సోలీపూర్‌.. అభివృద్ధిలో టాప్‌

‘దేశానికి పల్లెలే పట్టుగొమ్మలు’ అని గాంధీజీ చెప్పిన మాటలకు నిదర్శనంగా స్వరాష్ట్రంలో గ్రామాలు అభివృద్ధిలో దూసుకుపోతున్నాయి. అధికారులు, ప్రజాప్రతినిధులు సమష్టి కృషితో అన్ని రంగాల్లో అభివృద్ధి చేస్తున్నారు. దీంతో మండల, జిల్లా, రాష్ట్ర, జాతీయ స్థాయిలో పల్లెల ముంగిట అవార్డులు పండుతున్నాయి. వనపర్తి జిల్లా ఖిల్లాఘణపురం మండలంలోని సోలీపూర్‌ గ్రామం పీఎఫ్‌ఈఎల్‌పీలో రాష్ట్ర స్థాయిలో మూ డో స్థానంలో నిలిచింది.

• 120 మందికి సొంత జాగాలో ‘డబుల్‌’ ఇండ్లు
• ఉత్తమ గ్రామ పంచాయతీగా ఎంపిక

వనపర్తి/ఖిల్లాఘణపురం, మార్చి 31 : ‘దేశానికి పల్లెలే పట్టుగొమ్మలు’ అని గాంధీజీ చెప్పిన మాటలకు నిదర్శనంగా స్వరాష్ట్రంలో గ్రామాలు అభివృద్ధిలో దూసుకుపోతున్నాయి. అధికారులు, ప్రజాప్రతినిధులు సమష్టి కృషితో అన్ని రంగాల్లో అభివృద్ధి చేస్తున్నారు. దీంతో మండల, జిల్లా, రాష్ట్ర, జాతీయ స్థాయిలో పల్లెల ముంగిట అవార్డులు పండుతున్నాయి. వనపర్తి జిల్లా ఖిల్లాఘణపురం మండలంలోని సోలీపూర్‌ గ్రామం పీఎఫ్‌ఈఎల్‌పీలో రాష్ట్ర స్థాయిలో మూ డో స్థానంలో నిలిచింది. 100 మార్కులకుగానూ 96 సాధించినట్లు పంచాయతీ కార్యదర్శి తెలిపారు. గ్రామంలో 2,724 మంది ఉండ గా, అందులో స్త్రీలు 1,349, పురుషులు 1,375 మంది ఉన్నారు.

గ్రామంలో చేపట్టిన అభివృద్ధి పనులు..

• ఉపాధి హామీ చట్టం కింద 347 కుటుంబాలకు వంద రోజుల పని కల్పించడంతోపాటు 15 రోజుల్లో కూలి డబ్బులు చెల్లిస్తున్నారు. ఇప్పటివరకు రూ.59.12 లక్షలు చెల్లించారు.
• రూ.6.40 కోట్లతో నిరుపేదలను గుర్తించి.. వారికి ఉన్న సొంత స్థలాల్లో 120 మందికి రెండు పడకల గదుల నిర్మాణాన్ని చేపట్టారు. ఇప్పటికే చాలా మంది అందులో నివాసం ఉండగా కొన్ని చివరి దశలో ఉన్నాయి.
• గ్రామంలో 46 మహిళా సంఘాలు ఉండగా, 545 మంది మహిళలు సభ్యులుగా ఉన్నారు. వారు ఆర్థికంగా ఎదిగేందుకు రుణాలతోపాటు కుట్టుమిషన్లు పంపిణీ చేశారు.
• పీఎం కిసాన్‌ ద్వారా 586 మంది రైతులకు రూ.35.16 లక్షలు జమచేశారు.
• 2,565 మందికి రేషన్‌కార్డులు ఉన్నాయి.
• ఆసరా, వితంతువు, ఒంటరి మహిళలు, దివ్యాంగులకు ఆసరా పింఛన్లు అందిస్తున్నారు.
• బ్యాంకు అకౌంట్‌ లేని వారిని గుర్తించి.. 289 మందికి జన్‌ధన్‌ ఖాతాలను తెరిపించారు.
• పేద కుటుంబానికి చెందిన ఇద్దరు యువకులకు జిల్లా కేం ద్రంలోని ప్రగతి ఐటీ కళాశాలలో ఉచితంగా ట్రైనింగ్‌ ఇప్పించారు.