మానవీయ సంబంధాల వంతెనలు
మరుగున పడుతున్న మానవీయ విలువలను బలంగా తట్టిలేపే కథలతో ఇటీవల వెలువడ్డ కథాసంపుటి ‘వారధి’. రచయిత కటుకోజ్వల మనోహరాచారి హృదయ మార్దవం కలిగించే కథలు రాయగల చేయి తిరిగిన కథా రచయిత అని నిరూపించే కథాసంపుటి ఇది.
మరుగున పడుతున్న మానవీయ విలువలను బలంగా తట్టిలేపే కథలతో ఇటీవల వెలువడ్డ కథాసంపుటి ‘వారధి’. రచయిత కటుకోజ్వల మనోహరాచారి హృదయ మార్దవం కలిగించే కథలు రాయగల చేయి తిరిగిన కథా రచయిత అని నిరూపించే కథాసంపుటి ఇది.
‘వారధి’ సంపుటిలోని కథలు.. ఆ కథల్లోని సన్నివేశాలు, సంఘటనలు మానవీయ పరిమళాలను వెదజల్లుతూ, పాఠకుని హృదయ లోతుల్లోకి వెళ్లి నిత్యం వెంటాడుతాయి. రచయిత ఇతర కథల్లాగే ఈ ‘వారధి’ సంపుటిలోని ప్రతి కథా సందేశాత్మకంగా కొనసాగింది. మానవీయ కోణాలను స్పృశిస్తూ, మానవ సంబంధాల లోతులను, మనిషి మూలాలను పట్టిచూపుతాయి. ఈ ‘వారధి’లో 15 కథలున్నాయి. అన్నీ వివిధ పత్రికల్లో ప్రచురితమైనవే కాకుండా పలు బహుమతులు కూడా అందుకొన్న కథలు. నిత్యం మన చుట్టుపక్కల కదలాడే వ్యక్తులే ఈ కథల్లో పాత్రలు కాగా రచయిత తాను చూసిన, అనుభవించిన పరిసర సన్నివేశాలు, సంఘటనలనే కథలుగా అల్లినట్టు పలు కథలు రుజువుచేస్తాయి.
‘పాత్రులు’, ‘అంగడి’, ‘ఆత్మ నివేదన’, ‘మనిషితనం’, ‘బెల్టుషాపు’, ‘బాసట’ వంటి కథల్లోని సంఘటనలు నిత్యం మనకు ప్రతిచోటా దర్శనమిస్తునే ఉంటాయి. ‘ఆప్తుడు’, ‘వెలుగు’, ‘సుపుత్రులు’, ‘బలిపిల్లలు’, ‘భాగ్యశ్రీ’ వంటి కథల్లోని సంఘటనలు అక్కడక్కడ జరిగినవే, జరుగుతున్నవే. రచయిత తను చూసిన సంఘటనలకే చిన్న చిన్న కల్పనలు జోడించి అద్భుతమైన ముగింపునిస్తూ ఈ కథలను రాశాడు.
చదువు చెప్పిన గురువు రుణాన్ని అవసరం వచ్చినపుడు ఎట్లా తీర్చుకోవాలో ‘ఆప్తుడు’, ‘సుపుత్రులు’ కథల్లో బలంగా చాటాడు. తల్లిదండ్రులు, పెద్దల పట్ల ఎంతటి ఆదరణ చూపాలో ‘ఆత్మనివేదన’, ‘కిరాయిబంధం’, ‘బాసట’ వంటి కథల్లో వ్యంగ్యంగా చెప్పాడు రచయిత. ‘భాగ్యశ్రీ’ వంటి పలు కథల్లో మానవ నైజం కనిపించగా ‘మనిషితనం’, ‘వెలుగు’, ‘ఆప్తుడు’ వంటి కథలు వ్యక్తిలోని కృతజ్ఞతా లక్షణాలను ప్రస్ఫుటం చేస్తాయి. ‘అపాత్రదానం’, ‘జాతర’ వంటి కథలు చక్కని సందేశాన్నిస్తాయి. ఆ మాటకొస్తే ఈ ‘వారధి’ సంపుటిలోని అన్ని కథలు ఏదో ఒక రూపంలో సందేశాన్నో, సమస్యకు చక్కని పరిష్కారాన్నో సూచిస్తూ ముగుస్తాయి.
పాఠకులను అక్షరాల వెంట పరిగెత్తించే శిల్ప నైపుణ్యం కూడా ప్రతి కథలో దర్శనమిస్తుంది. అనుబంధాలు, ఆప్యాయతలు, మానవత్వం ఇత్యాది మానవీయ గుణాలు కరువై మనిషి మరమనిషిగా మారిన నేటి తరుణంలో ఈ కథలు అనుబంధాల పందిరులు వేసి, ఆప్యాయతల పూలు పూయించి, మానవత్వపు సుమగంధాలను వ్యాపింపజేస్తూ కుటుంబ జీవన సౌందర్యపు ఫలాలను సమాజానికి అందించే వృక్షాలై కనబడుతాయి. మానవతా విలువలను మరిచి మనిషి తనకు తానే విస్మృతికి లోనవుతున్నటువంటి ప్రస్తుత పరిస్థితుల్లో ఈ ‘వారధి’ కథలు ప్రకృతి సిద్ధమైన ఆయుర్వేద ఔషధంగా పనిచేసి, హృదయ మార్దవం కలిగిన మనిషిగా మార్చగలవు. తెగిన బంధాలకు అనుబంధాల ముడులు వేసి మానవత్వపు వంతెనను నిర్మించగలవు. మొత్తంగా ‘వారధి’ కథలు నేటి సమాజానికి అత్యంత అవశ్యకం అని కథలు చదివిన ప్రతి పాఠకుడూ భావిస్తాడు.
-గాజుల రవీందర్
98482 55525
Read Today's Latest Literature-more News in Telugu and Telugu News
RELATED ARTICLES
తాజా వార్తలు
TTD | సెక్యూరిటీ ,విజిలెన్స్ గార్డు నియామక నిబంధనల్లో ఎలాంటి మార్పులు చేయలేదు : టీటీడీ
YS Jagan | సమగ్రమైన కుల గణనకు వైసీపీ మద్దతు : వైఎస్ జగన్
Health tips | మీ రోజువారీ డైట్లో వెల్లిపాయలుంటే కలిగే 10 ఆరోగ్య ప్రయోజనాల గురించి తెలుసా..?
Inter Exams schedule | రాష్ట్రంలో ఇంటర్ పరీక్షల షెడ్యూల్ విడుదల..!
Diabetes | వయసుతోపాటు బీపీ, షుగర్, కొలెస్ట్రాల్ వస్తాయా? పోషకాహార నిపుణుల కీలక హెచ్చరిక..
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

