Visit:
నువ్వు ఏ మంత్రం వేశావో గాని
నా కంటి మీద కునుకు కరువైంది
నువ్వు ఏ మాటల మత్తును ఇచ్చావో గానీ
నా మనసు కడలిలో అలలు రేగుతూనే ఉన్నాయి
నువ్వు నా పెయ్యిని ఎక్కడ తాకావో గానీ
నా తనువంతా తామరమై వికసిస్తుంది
నీ నల్లని కురులు, నయాగరా నడుము
నా కండ్లను బంధించి ఖైదీని చేశాయి
నీ చీర కుచ్చులు, రవికపై అచ్చులు
నా ఆలోచనలకు బేడీలు వేశాయి
నీవు నక్షత్రమై నాజుగ్గా నడుస్తుంటే
నేను గ్రహమై నీ వెంట తిరుగుతూనే ఉంటా
నువ్వు మేఘమై మమతను కురిపిస్తుంటే
నేను పుడమినై తడిచి పులకరిస్తూనే ఉంటా
నువ్వు పుష్పమై పూస్తునే ఉండు
నేను సీతాకోకనై వాలుతూనే ఉంటా.
– రమేష్ తాటిపాముల (తార) 7981566031
