ఫ్లోర్‌.. ఇలా క్లీన్‌

ఇల్లు ఎంత జాగ్రత్తగా శుభ్రం చేసినా తెల్లారేసరికి దుమ్మూధూళి వచ్చి చేరుతుంటుంది. ఫలితంగా చాలా ధూళి కణాలు మొదట ఇంట్లోకి, అటు నుంచి ఒంట్లోకి చేరే ప్రమాదం ఉంటుంది.

ఇల్లు ఎంత జాగ్రత్తగా శుభ్రం చేసినా తెల్లారేసరికి దుమ్మూధూళి వచ్చి చేరుతుంటుంది. ఫలితంగా చాలా ధూళి కణాలు మొదట ఇంట్లోకి, అటు నుంచి ఒంట్లోకి చేరే ప్రమాదం ఉంటుంది. ఈ సమస్యను నిర్లక్ష్యం చేస్తే మాత్రం మీ ఆరోగ్యాన్ని దెబ్బ తినడం ఖాయం. కాబట్టి ఇంట్లోని ఫ్లోర్‌ ఎక్కువ శుభ్రంగా ఉండాలంటే ఈ టిప్స్‌ పాటిస్తే సరి.

• ఇంటిని శుభ్రం చేసే విషయంలో త్వరత్వరగా చేసేయాలన్న ఆలోచనతోనే ఉంటారు. ఒక్క బకెట్‌ నీటితోనే ఇల్లంతా శుభ్రం చేసి మమ అనిపిస్తారు. కానీ ఒకే నీటితో ఫ్లోర్‌ అంతా కడగటం తప్పు. అలా చేస్తే కొన్నిచోట్ల మాత్రమే పరిశుభ్రం అవుతుంది. అందుకే నీళ్లను మారుస్తూ ఫ్లోర్‌ క్లీన్‌ చేయడం ఉత్తమం.
• రాత్రి పడుకునే ముందు ఫ్లోర్‌పై బ్లీచింగ్‌ పౌడర్‌ను కలియజల్లాలి. తర్వాత ఉదయాన్నే ఫ్లోర్‌ క్లీన్‌ చేస్తే మరకలన్నీ మటు మాయమైపోతాయి.
• టైల్స్‌ మీద మొండి మరకలు ఉంటే బంగాళ దుంపతో బాగా రుద్దాలి. తర్వాత గోరువెచ్చని నీటితో కడిగేస్తే టైల్స్‌ తళతళ మెరిసిపోతాయి.
• గోరువెచ్చని నీటిలో కాస్తంత నిమ్మరసం కలిపి మార్బుల్స్‌ క్లీన్‌ చేస్తే మురికి వదిలిపోవడం ఖాయం.
• నీళ్లలో బేకింగ్‌ సోడా కలిపి, 10 నిమిషాల తర్వాత ఫ్లోర్‌పై పిచికారీ చేయాలి. అరగంట తర్వాత క్లీన్‌ చేస్తే మంచి ఫలితం ఉంటుంది.
• వంటగదిలో టైల్స్‌పై నూనె ఉంటే కార్న్‌ స్టార్చ్‌ వేయాలి. ఇది జిడ్డును పీల్చేసుకుంటుంది. ఆ తర్వాత డిటర్జెంట్‌ నీళ్లతో కడిగి శుభ్రం చేయండి.