చీమలకు చెక్‌

ఇంట్లోకి చీమలు రావడం సహజమే! నలుపు, ఎరుపు చీమలు ఉంటే.. పెద్దగా ఇబ్బంది అనిపించదు. కానీ, గోధుమ రంగులో, దుర్వాసన వచ్చే చీమలు మాత్రం.. తెగ చికాకు పెట్టిస్తాయి.

ఇంట్లోకి చీమలు రావడం సహజమే! నలుపు, ఎరుపు చీమలు ఉంటే.. పెద్దగా ఇబ్బంది అనిపించదు. కానీ, గోధుమ రంగులో, దుర్వాసన వచ్చే చీమలు మాత్రం.. తెగ చికాకు పెట్టిస్తాయి. వాటిని చీపురుతో ఊడ్చినా.. ఇల్లంతా చెడు వాసన వ్యాపిస్తుంది. అయితే, ఇంట్లో ఉండే సహజసిద్ధమైన పదార్థాలతోనే.. వాటిని దూరంగా తరిమేయొచ్చు.

• సిట్రస్‌ జాతి పండ్లు.. చీమలను తరిమేయడంలో సాయపడతాయి. వంటగదిని శుభ్రపరిచే నీటిలో కొద్దిగా నిమ్మకాయ రసం కలపాలి. ఆ ద్రావణంతో వంటగదిని శుభ్రం చేస్తే.. చీమలు పారిపోతాయి. చీమలు ఎక్కువగా తిరిగే చోట నిమ్మకాయ, నారింజ తొక్కలను ఉంచినా మంచి ఫలితం కనిపిస్తుంది.
• మిరియాల ఘాటుకు చీమలు దూరంగా ఉంటాయి. వంటింటి మూలలు, చీమలు ఎక్కువగా తిరిగే చోట కొద్దిగా మిరియాల పొడి చల్లాలి. ఆ ఘాటు వాసనకు.. చీమలు పారిపోతాయి. దాల్చిన చెక్క
  ఉపయోగించినా మంచిదే!
• వెనిగర్‌ కూడా చీమలను అరికట్టడంలో ప్రభావవంతంగా పనిచేస్తుంది. వంటగదిని శుభ్రం చేసే నీటిలో.. కొద్దిగా వెనిగర్‌ కలిపితే సరి!
• వంటగది కిటికీలు, ద్వారాలు, పగుళ్ల దగ్గర బేకింగ్‌ సోడా వేసినా.. చీమలు అటువైపు చూడవు.
• పిప్పర్‌మెంట్‌, టీట్రీ, లావెండర్‌ ఆయిల్‌తోనూ.. చీమల బెడదను తగ్గించుకోవచ్చు. ఘాటు వాసనతో కూడిన ఈ నూనెలను నీటిలో కలిపి.. చీమలు తిరిగే ప్రదేశాల్లో స్ప్రే చేయాలి. ఇలా చేస్తే చీమలు రాకుండా ఉండటంతోపాటు ఇంట్లో సువాసన కూడా వస్తుంది.