ముల్తానీతో ముప్పు!

సహజసిద్ధమైన సౌందర్య ఉత్పత్తులు కావాలంటే.. ముందుగా ‘ముల్తానీ మట్టి’వైపే చూస్తుంటారు. మొటిమల్ని తగ్గించడం, నూనెలను తొలగించడంతోపాటు ముఖానికి సహజమైన మెరుపును అందిస్తుందని చాలామంది దీనిని ఆశ్రయిస్తుంటారు.

సహజసిద్ధమైన సౌందర్య ఉత్పత్తులు కావాలంటే.. ముందుగా ‘ముల్తానీ మట్టి’వైపే చూస్తుంటారు. మొటిమల్ని తగ్గించడం, నూనెలను తొలగించడంతోపాటు ముఖానికి సహజమైన మెరుపును అందిస్తుందని చాలామంది దీనిని ఆశ్రయిస్తుంటారు. అయితే, సరైన జాగ్రత్తలు పాటించకుంటే.. ముల్తానీ మట్టి చర్మానికి ముప్పుగా పరిణమిస్తుందని సౌందర్య నిపుణులు హెచ్చరిస్తున్నారు.

• సున్నితమైన చర్మ స్వభావం ఉన్నవారు ముల్తానీ మట్టిని నేరుగా ముఖానికి రాసుకోవద్దు. కొందరిలో ఇది చికాకు, దురదను కలిగిస్తుంది.
• పొడి చర్మం ఉన్నవారు ముల్తానీ మట్టికి దూరంగా ఉండాలి. ఇది చర్మ సహజ తేమను గ్రహిస్తుంది. దాంతో చర్మం పొడిబారడం, బిగుతుగా, పొరలుగా మారడం లాంటి సమస్యలను మరింత పెంచుతుంది.
• సోరియాసిస్‌, తామర వంటి చర్మ సమస్యలు ఉన్నవారూ ముల్తానీ మట్టిని వాడకూడదు. ఇది సమస్యను మరింత తీవ్రం చేస్తుంది. ముఖంపై గాయాలు, ఇన్ఫెక్షన్లు ఉన్నప్పుడూ.. ముల్తానీ మట్టిని అప్లయి చేయొద్దు. అలాచేస్తే.. ఇన్ఫెక్షన్లు మరింత పెరిగే అవకాశం ఉంటుంది.