మరువాన్ని మరవద్దు!

పూలహారాన్ని అందంగా మార్చడానికి మనం వాడే మరువం వెంట్రుకల పెరుగుదలకూ మంచి మందు. హెయిర్‌ మాస్క్‌లంటే చాలు రోజ్‌మేరీ, ఆముదం... ఇలా ఏవేవో గుర్తొస్తాయి మనకు. కానీ అందుబాటులో ఉండి, తక్కువ ధరలో దొరికే సువాసనలు వెదజల్లే మరువం దెబ్బతిన్న వెంట్రుకలకు మంచి మందులా పనిచేస్తుంది.

పూలహారాన్ని అందంగా మార్చడానికి మనం వాడే మరువం వెంట్రుకల పెరుగుదలకూ మంచి మందు. హెయిర్‌ మాస్క్‌లంటే చాలు రోజ్‌మేరీ, ఆముదం… ఇలా ఏవేవో గుర్తొస్తాయి మనకు. కానీ అందుబాటులో ఉండి, తక్కువ ధరలో దొరికే సువాసనలు వెదజల్లే మరువం దెబ్బతిన్న వెంట్రుకలకు మంచి మందులా పనిచేస్తుంది. ఇందులో యాంటి ఆక్సిడెంట్లతో పాటు యాంటి బ్యాక్టీరియల్‌, యాంటి ఇన్‌ఫ్లమేటరీ గుణాలూ పుష్కలం. తలమీద చర్మాన్ని ఆరోగ్యవంతంగా మార్చి, కుదుళ్లను బలోపేతం చేసి జుట్టు రాలకుండా అరికట్టే స్వభావం దీనికుంది. అంతేకాదు, వెంట్రుకల పెరుగుదలకూ.. ఈ సువాసనలు వెదజల్లే ఔషధ మొక్క ఉత్ప్రేరకంలా పనిచేస్తుందట. దీన్ని రకరకాల పద్ధతుల్లో తలకు పెట్టుకోవచ్చు.

• గుప్పెడు ఎండిన ఆకుల్ని తలకు రాసుకునే నూనెలో కాచి, వడబోసి తలస్నానానికి ముందు రోజు రాత్రి మర్దనా చేసుకుంటే వెంట్రుకలకు బలం చేకూరుతుంది.
• పచ్చి లేదా ఎండబెట్టిన మరువం ఆకుల్ని నీళ్లలో మరగబెట్టి వడబోసుకోవాలి. తలంటుపోసుకున్నాక ఈ నీళ్లను చివర్లో తలమీదుగా పోసి వదిలేస్తే, చక్కటి సుగంధం రావడంతో పాటు వెంట్రుకలకు రక్షణ కవచంలా పనిచేస్తాయి.
• నీళ్లలో కాసిన్ని మరువం ఆకులు వేసి మరిగించి వడకట్టాలి. టేబుల్‌ స్పూన్‌ నీళ్లకు, రెండు టేబుల్‌ స్పూన్ల కలబంద గుజ్జు, చల్లదనం కావాలనుకుంటే పిప్పర్‌మెంట్‌ నూనె లేదా టీ ట్రీ ఆయిల్‌ కలిపి సీరంలా తయారు చేసుకోవచ్చు. రాత్రిపూట నూనె రాసుకోవడం ఇష్టం లేని వాళ్లు దీన్ని రాసుకుని పడుకున్నా మంచి ఫలితం ఉంటుంది.