ఇలా చేద్టాం.. విద్యుత్‌ ఆదా

ఉష్ణోగ్రతల్లో భారీగా మార్పులు వచ్చాయి. వేసవి ఆరంభంలోనే ఎండలు మండిపోతున్నాయి. రోజురోజుకూ ఉష్ణోగ్రతలు పెరిగిపోతుండడంతో ప్రజలు అల్లాడిపోతున్నారు. ఉమ్మడి జిల్లాలో ప్రస్తుతం కనిష్ఠ ఉష్ణోగ్రత 20 డిగ్రీలు, గరిష్ఠ ఉష్ణోగ్రత 37, 38 మధ్య నమోదవుతున్నాయి.

• వేసవి నేపథ్యంలో ‘పవర్‌’కు పెరిగిన డిమాండ్‌
• ఒక యూనిట్‌ విద్యుత్‌ను పొదుపు చేస్తే ఒక యూనిట్‌ ఉత్పత్తి చేసినట్లే..
• చిట్కాలు పాటిస్తే బిల్లుల భారమూ తగ్గినట్లే..
• ఏసీలు, కూలర్ల వినియోగంపై అవగాహన అవసరం
• నాణ్యమైన ఎలక్ట్రిక్‌ వస్తువులు వాడితే మేలు

ఉష్ణోగ్రతల్లో భారీగా మార్పులు వచ్చాయి. వేసవి ఆరంభంలోనే ఎండలు మండిపోతున్నాయి. రోజురోజుకూ ఉష్ణోగ్రతలు పెరిగిపోతుండడంతో ప్రజలు అల్లాడిపోతున్నారు. ఉమ్మడి జిల్లాలో ప్రస్తుతం కనిష్ఠ ఉష్ణోగ్రత 20 డిగ్రీలు, గరిష్ఠ ఉష్ణోగ్రత 37, 38 మధ్య నమోదవుతున్నాయి. ఎండ వేడిమి నుంచి ఉపశమనం పొందేందుకు జనం ఏసీలు, కూలర్లను వినియోగిస్తున్నారు. దీంతో విద్యుత్‌ వాడకం పెరిగిపోయింది. వారం రోజులుగా అత్యధికంగా 422 మెగావాట్ల విద్యుత్‌ డిమాండ్‌ ఏర్పడింది. గతేడాదిలో ఇదే నెల కంటే ఈ సారి విద్యుత్‌ డిమాండ్‌ ఎక్కువగా ఉంది. జెన్కో జిల్లాకు రోజుకు 6.47 మిలియన్‌ యూనిట్ల కోటా కేటాయించగా.. ప్రస్తుతం రోజుకు సుమారు 7.80 మిలియన్‌ యూనిట్ల వినియోగం జరుగుతున్నది.

వినియోగదారులు విద్యుత్‌ వినియోగాన్ని తగ్గిస్తే వారికి విద్యుత్‌ బిల్లులతో ఆర్థిక భారం తగ్గుతుంది. ఒక యూనిట్‌ విద్యుత్‌ను ఆదా చేస్తే ఒక యూనిట్‌ విద్యుత్‌ను ఉత్పత్తి చేసినట్లే. సమాజానికి మేలు చేసినట్లే. ఒక్కో వినియోగదారుడు రోజుకు ఒక యూనిట్‌ విద్యుత్తును ఆదా చేస్తే తన జీవిత కాలంలో రూ.లక్ష ఆదా చేసినట్లే.

మామిళ్లగూడెం, మార్చి 9: వేసవి వచ్చేసింది.. ఆరంభంలోనే ఎండలు దంచికొడుతున్నాయి. పగటి ఉష్ణోగ్రతలు రోజు రోజుకూ పెరుగుతున్నాయి. ఇప్పటికే గరిష్ఠ ఉష్ణోగ్రతలు 37 డిగ్రీలు, కనిష్ఠ ఉష్ణోగ్రతలు 20 డిగ్రీలు నమోదవుతున్నాయి. దీంతో నివాసాలు, వ్యాపార సముదాయాల్లో ఫ్యాన్లు, కూలర్లు, ఏసీల వినియోగం అమాంతం పెరిగింది. మరోవైపు వ్యవసాయానికి విద్యుత్తు డిమాండ్‌ అధికంగా ఉంది. ఇలాంటి సందర్భంలో ఉత్పత్తికి డిమాండ్‌కు మధ్య వ్యత్యాసం సహజంగానే ఉంది. డిమాండ్‌ మేరకు విద్యుత్‌ సరఫరా చేసేందుకు టీఎస్‌ జెన్‌కో సంస్థ ఏటా కృషి చేస్తున్నది. అవసరమైతే ఇతర ప్రాంతాల్లో విద్యుత్‌ కొనుగోలు చేసి మరీ వినియోగదారులకు నాణ్యమైన విద్యుత్‌ సరఫరా చేస్తుంది. ఇలాంటి సందర్భంలో వినియోగదారులు విద్యుత్‌ వినియోగాన్ని తగ్గిస్తే వారికి విద్యుత్‌ బిల్లులతో ఆర్థిక భారం తగ్గుతుంది. అంతేకాదు ఒక యూనిట్‌ విద్యుత్‌ను ఆదా చేస్తే ఒక యూనిట్‌ విద్యుత్‌ను ఉత్పత్తి చేసినట్లే. సమాజానికి మేలు చేసినట్లే. ఒక్కో వినియోగదారుడు రోజుకు ఒక యూనిట్‌ విద్యుత్తును ఆదా చేస్తే తన జీవిత కాలంలో రూ.లక్ష ఆదా చేసినట్లే.

సౌర విద్యుత్తే ప్రత్యామ్నాయం..
విద్యుత్తు డిమాండ్‌ను కొంతమేరకు తగ్గించగలిగే సాధనం సౌర విద్యుత్తు మాత్రమే. సౌర విద్యుత్‌పై ఒకసారి పెట్టుబడి పెడితే ఏళ్ల తరబడి ఉచితంగా గృహాలు, వ్యాపార సముదాయాలకు విద్యుత్‌ సరఫరా అవుతుంది. భవనాలు, ఖాళీ స్థలాలు, పంట పొలాల్లో అవసరమైన వారు సౌర ఫలకాలు ఏర్పాటు చేసుకోవచ్చు. అవసరమైనంత విద్యుత్తు ఉపయోగించుకొని మిగిలింది విద్యుత్తు పంపిణీ సంస్థకు విక్రయించుకునే అవకాశమూ ఉంటుంది. సోలార్‌, పవన విద్యుత్‌ ఉత్పత్తితో బొగ్గు ఆధారిత విద్యుత్‌ ఉత్పత్తి తగ్గుతుంది. తద్వారా వాతావరణ కాలుష్యాన్నీ తగ్గించొచ్చు.

విద్యుత్‌ పొదుపు ఎంతో అవసరం..
జిల్లాలో అవసరాలకు సరిపడా విద్యుత్‌ గ్రిడ్‌ ద్వారా సరఫరా అవుతున్నది. ప్రజలకు నాణ్యమైన విద్యుత్‌ అందించేందకు ప్రభుత్వం నిరంతం కృషి చేస్తున్నది. వేసవిలో ఏసీలు, కూలర్ల వినియోగంతో డిమాండ్‌ పెరుగుతున్నది. వినియోగదారులు నాణ్యమైన ఎలక్ట్రికల్‌ వస్తువులు వినియోగించి బిల్లుల భారాన్ని తగ్గించుకోవచ్చు. విద్యుత్‌ పొదుపు ఆర్థికంగానూ, సమాజ హితం కోసమూ మంచిదే.
– ఎ.సురేందర్‌, ఎస్‌ఈ, టీఎస్‌ ఎన్పీడీసీఎల్‌, ఖమ్మం సర్కిల్‌

విద్యుత్‌ పొదుపు చేయండి ఇలా..

• ఏసీ ఉష్ణోగ్రతను 24 డిగ్రీల వద్ద సెట్‌ చేసుకోవాలి. సెట్టింగ్‌ ఆప్షన్‌ తగ్గించుకోవాలి. ఏసీలో ఒక సెంటిగ్రేడ్‌ ఉష్ణోగ్రత పెరిగితే 5 శాతం విద్యుత్‌ ఆదా అవుతుంది. సీలింగ్‌ ఫ్యాన్‌ను ఆన్‌లో ఉంచి ఏసీ వినియోగాన్ని తగ్గిస్తే మంచిది.
• ఏసీని 25-27 డిగ్రీల సెంటిగ్రేడ్‌ వద్ద పెట్టుకుని గది చల్లబడిన తర్వాత కాసేపు ఆపేయాలి. ఏసీ ఫిల్టర్లను నెలకోసారి శుభ్రం చేస్తే గదిలోకి గాలి ధారాళంగా వస్తుంది. తద్వారా గది త్వరగా చల్లబడుతుంది. ఏసీని వాడుతున్న సమయంలో పంఖాను ఆపేయాలి. రాత్రి 2 గంటల తరువాత సహజంగా వాతావరణం చల్లబడుతుంది. ఆ సమయానికి ఆటోమేటిక్‌గా ఏసీ ఆగిపోయేలా టైం సెట్‌ చేసుకోవాలి. ఏసీ వాడే గది కిటికీలకు కర్టెన్లు ఏర్పాటు చేస్తే గది త్వరగా చల్లబడుతుంది.
• గదుల్లో ఫిలమెంట్‌ బల్బులకు బదులు ఎల్‌ఈడీ బల్బుల వాడాలి. పగలు తలుపులు, కిటికీలు తీసి సహజమైన వెలుతురు, గాలిని వినియోగించుకోవాలి. బల్బులు, ట్యూబ్‌ లైట్లను నెలకోసారి శుభ్రం చేయాలి. సాధారణ గుండ్రని ఫిలమెంటు బల్బులు, ట్యూబ్‌ లైట్ల స్థానంలో కాంపాక్టు ఫ్లోరోసెంట్‌, ఎల్‌ఈడీ బల్బులు వాడాలి. 40 వాట్స్‌ ఒక ట్యూబ్‌లైట్‌ గంట వినియోగిస్తే 0.04 యూనిట్ల విద్యుత్తు వినియోగించుకుంటుంది.10 వాట్ల ఎల్‌ఈడీ బల్బుకు కేవలం 0.01 యూనిటే ఖర్చవుతుంది.
• ఫ్రిజ్‌ డోర్లను వీలైనంత తకువసార్లు తెరవాలి. ఫ్రిజ్‌ను కనీసం గోడకు 5 నుంచి 8 ఇంచుల దూరంలో ఉంచాలి. ఫ్రిజ్‌లను వేడి ప్రదేశాలకు దూరంగా ఉంచాలి. 5 స్టార్‌ రేటింగ్‌ ఉన్న ఫ్రిజ్‌నే వాడాలి.
• వాషింగ్‌ మెషిన్‌లో వీలైనన్ని ఎకువ వస్ర్తాలను ఒకేసారి ఉతకాలి. వాటిని ముందుగా నానబెట్టి వాషింగ్‌ మిషన్‌లో వేస్తే కరెంట్‌ ఆదా అవుతుంది. తకువ సమయాన్ని (టైమర్‌) సెట్‌ చేసుకొని సరైన పాళ్లలో నీటిని, డిటర్జెంట్‌ను వాడాలి.
• వినియోగంలో లేనప్పుడు టీవీ, కంప్యూటర్‌ మెయిన్‌ స్విచ్‌లు బంద్‌ చేయాలి. పవర్‌ పోయినా స్విచ్‌లను ఆపేసే ఉంచాలి. అవసరం లేనప్పుడు దోమల మెసిన్లు, మొబైల్‌ చార్జర్లను ప్లగ్‌ నుంచి తీసేయాలి.
• మోటర్‌, మిక్సీ, గ్రైండర్‌ వంటి వాటిని పీక్‌ అవర్స్‌ (ఎకువ వినియోగం జరిగే ఉదయం, సాయంత్రం) వేళలో వినియోగించొద్దు. ఈ సమయంలో వినియోగిస్తే ఆయా పరికరాలకు నాణ్యమైన విద్యుత్‌ సరఫరా జరగక పూర్తి సామర్థ్యంతో పనిచేయవు. దీంతో అదనంగా విద్యుత్‌ వ్యయమవుతుంది. ఉదాహరణకు ఎకువ విద్యుత్‌ వాడకం జరిగే సాయంత్రం సమయంలో మోటరు వేసే 15 నిమిషాలకు నిండాల్సిన ట్యాంకు 20 నిమిషాలు పడుతుంది.
• మైక్రో ఓవెన్‌ను మాటిమాటికీ తెరవొద్దు. ఒకసారి ఓపెన్‌ చేస్తే ఓవెన్‌ నుంచి 250 డిగ్రీల వేడి వృథా అవుతుంది. కుకర్‌ గ్యాస్‌సెట్‌ లీడ్స్‌ సరిగ్గా ఉండేలా చేసుకోవాలి. వార్మ్‌ స్విచ్‌ ఉన్న రైస్‌ కుకర్‌ వాడితే 30 శాతం విద్యుత్‌ ఆదా అవుతుంది.
• తకువ సమయంలో నీటిని వేడి చేసే ఇన్‌స్టంట్‌ గీజర్ల బదులు కొంచెం ఎకువ సమయం తీసుకునేవే ఏర్పాటు చేసుకోవాలి. డబుల్‌ బెడ్రూం ఇండ్లలో ఉండేవారి కోసం రెండు గదులకు ఉపయోగపడేలా ఒకే గీజర్‌ మార్కెట్లో దొరుకుతున్నది. వాటిని ఏర్పాటు చేసుకోవాలి. ఉదయాన్నే ట్యాంకులోని నీరు చల్లగా ఉంటుంది. ఈసమయంలో గీజర్లు నీటిని వేడి చేసేందుకు ఎకువ విద్యుత్తు అవసరం అవుతుంది. ట్యాంక్‌ నింపిన తర్వాతే గీజర్‌ ఆన్‌ చేయడం మంచిది.
• ఉష్ణ నిరోధక స్వభావం కలిగిన వైట్‌ సిమెంట్‌ను ఇంటిపై కప్పు, స్లాబుకు వేయించాలి. తద్వారా ఎండల సమయంలో ఇల్లు చల్లగా ఉంటుంది. అప్పుడే ఏసీ, కూలర్లకు తకువ విద్యుత్తు అవసరమవుతుంది.
• ఎంతోమంది బోరు మోటరు వేసి మర్చిపోతుంటారు. ఇలా చేస్తే ట్యాంకు నిండి నీరు, విద్యుత్తు వృథా అవుతాయి. ప్రత్యామ్నాయంగా ట్యాంకు నిండి నీరు కిందపోయే సమయంలో మనకు ఆ శబ్దం వినిపించేలా ఏర్పాటు చేసుకోవాలి. ట్యాంకు నిండిందని హెచ్చరిక సాధనాలు ఇప్పుడు స్వల్ప ధరకే విపిణిలో ఉన్నాయి.
• వ్యవసాయ మోటర్లకు ఆటోమేటిక్‌ స్టార్టర్లు ఏర్పాటు చేస్తే విద్యుత్తు, నీరు రెండూ వృథా అవుతాయి. స్మార్ట్‌ కంట్రోల్‌ ప్యానల్‌ బిగించుకుంటే మనం ఎకడ ఉన్న మొబైల్‌ సాయంతో ఆన్‌, ఆఫ్‌ చేసుకోవచ్చు.