ఖమ్మం జిల్లాపై ‘అర్నబ్’ తుపాను ప్రభావం.. జిల్లా వ్యాప్తంగా మోస్తరు వర్షం
బంగాళాఖాతంలో ఏర్పడిన అల్పపీడనం తుపానుగా మారడంతో దాని ప్రభావం ఆంధ్రప్రదేశ్ సరిహద్దులో ఉన్న ఖమ్మం జిల్లాపైనా కనిపిస్తున్నది. బుధవారం ఉదయం నుంచి సాయంత్రం వరకు జిల్లావ్యాప్తంగా బలమైన ఈదురుగాలులు వీచగా.. గురువారం తెల్లవారుజాము నుంచి తేలికపాటి జల్లులు ప్రారంభమయ్యాయి.
ఖమ్మం రూరల్: బంగాళాఖాతంలో ఏర్పడిన అల్పపీడనం తుపానుగా మారడంతో దాని ప్రభావం ఆంధ్రప్రదేశ్ సరిహద్దులో ఉన్న ఖమ్మం జిల్లాపైనా కనిపిస్తున్నది. బుధవారం ఉదయం నుంచి సాయంత్రం వరకు జిల్లావ్యాప్తంగా బలమైన ఈదురుగాలులు వీచగా.. గురువారం తెల్లవారుజాము నుంచి తేలికపాటి జల్లులు ప్రారంభమయ్యాయి. ఉదయం 9 గంటల తర్వాత ఖమ్మం నగరంతోపాటు జిల్లాలోని పలు మండలాల్లో ఓ మోస్తరు వర్షం కురిసింది.
వర్షం కారణంగా ప్రభుత్వ, ప్రైవేటు కార్యాలయాలకు వెళ్లే ఉద్యోగులు, పాఠశాలలు, కళాశాలలకు వెళ్లే విద్యార్థులు స్వల్ప ఇబ్బందులు ఎదుర్కొన్నారు. మరోవైపు చాలా రోజుల తర్వాత వర్షం కురుస్తుండటంతో జిల్లా ప్రజలు సంతోషం వ్యక్తం చేస్తున్నారు. అయితే పంటలు చేతికొచ్చే సమయంలో వర్షాలు కురుస్తుండటంతో రైతుల్లో ఆందోళన నెలకొంది.
పత్తి, వరి రైతుల్లో ఆందోళన
జిల్లాలో వానాకాలం సాగులో ప్రధాన పంటలైన పత్తి, వరి ప్రస్తుతం కీలక దశలో ఉన్నాయి. వరి కోతలు ప్రారంభించేందుకు సిద్ధమవుతున్న రైతులు వర్షం తీవ్రత పెరిగితే పంటకు నష్టం వాటిల్లుతుందేమోనని ఆందోళన చెందుతున్నారు. కోతకు సిద్ధంగా ఉన్న వరి పొలాల్లో భారీ వర్షాలు కురిస్తే ధాన్యం తడిసిపోయే ప్రమాదం ఉందని భయపడుతున్నారు.
పత్తి రైతుల పరిస్థితి కూడా ఇంచుమించు ఇదే విధంగా ఉంది. పత్తి ఏరుకునే సమయంలో వర్షాలు కురిస్తే పంట నాణ్యత దెబ్బతినడంతోపాటు దిగుబడిపైనా ప్రభావం పడే అవకాశం ఉందని రైతులు ఆందోళన చెందుతున్నారు. వర్షం ఎంతకాలం కొనసాగుతుందో తెలియక రైతులు పరిస్థితిని గమనిస్తున్నారు.
మరోవైపు పంటలకు చివరి తడి అవసరమైన రైతులకు ఈ వర్షం కొంత ప్రయోజనం చేకూర్చే అవకాశం ఉంది. వర్షాభావ పరిస్థితులతో ఇబ్బందులు ఎదుర్కొన్న పంటలకు తగినంత నీరు అందితే మేలు జరుగుతుందని భావిస్తున్నారు. దీంతో ఒకవైపు వర్షం పంటలకు ఉపయోగపడుతుందనే ఆశ ఉన్నప్పటికీ.. మరోవైపు కోతకు సిద్ధంగా ఉన్న పంటలు దెబ్బతింటాయేమోననే ఆందోళన నెలకొంది.
తుపాను ప్రభావంపై ఉత్కంఠ
‘అర్నబ్’ తుపాను తీరం దాటిన తర్వాత వాయుగుండంగా బలహీనపడితే విస్తారంగా వర్షాలు కురిసే అవకాశం ఉందని, ఆ ప్రభావం ఖమ్మం జిల్లాపైనా ఉండవచ్చని వాతావరణ శాఖ ఇప్పటికే హెచ్చరించినట్లు సమాచారం. వర్షాలు మరింత పెరిగితే పంటలపై ప్రభావం ఎలా ఉంటుందనే అంశంపై రైతులు ఆందోళన చెందుతున్నారు.
Read Today's Latest Khammam News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

