వడగండ్ల వాన

ఉదయమంతా ఉక్కిరిబిక్కిర చేసిన అధిక ఉష్ణోగ్రత.. సాయంత్రానికి మటుమాయమైంది. అదే సమయంలో వాతావరణం ఒక్కసారిగా చల్లబడింది. సరిగ్గా ఆ వెంటనే ఈదురుగాలులు ఊపందుకున్నాయి. ఆ కాసేపటికే వడగండ్ల వాన మొదలైంది.

• దమ్మపేట, చండ్రుగొండల్లో కురిసిన వడగండ్లు
• దుమ్ముగూడెంలో తాటిచెట్టుపై పడిన పిడుగు
• చుంచుపల్లి మండలంలో తడిసిన ధాన్యం

ఉదయమంతా ఉక్కిరిబిక్కిర చేసిన అధిక ఉష్ణోగ్రత.. సాయంత్రానికి మటుమాయమైంది. అదే సమయంలో వాతావరణం ఒక్కసారిగా చల్లబడింది. సరిగ్గా ఆ వెంటనే ఈదురుగాలులు ఊపందుకున్నాయి. ఆ కాసేపటికే వడగండ్ల వాన మొదలైంది. సుమారు గంట నుంచి మూడు గంటలపాటు విరామం లేకుండా కురిసింది. ఇదీ.. ఉమ్మడి జిల్లాలో ఆదివారం సాయంత్రం ఒక్కసారిగా చోటుచేసుకున్న వాతావరణ మార్పు.

అప్పటి వరకూ మండిన ఎండకు తల్లడిల్లిపోయిన జిల్లా ప్రజలు.. సాయంత్రం చల్లబడిన వాతావరణాన్ని ఆస్వాదించబోయారు. ఈలోపే గాలిదుమారం ఊపందుకోవడంతో ఉరుకులు పరుగులు పెట్టారు. దమ్మపేట, చండ్రుగొండ, కొత్తగూడెం, రుద్రంపూర్‌, పాల్వంచల్లో వడగండ్ల వాన కురిసింది. దుమ్ముగూడెంలో తాటిచెట్టుపై పిడుగు పడింది. చుంచుపల్లి, బూర్గంపహాడ్‌, అన్నపురెడ్డిపల్లి, చండ్రుగొండ, దమ్మపేట, సుజాతనగర్‌, లక్ష్మీదేవిపల్లిల్లో ఈ అకాల వర్షం కారణంగా వివిధ పంటలు దెబ్బతిన్నాయి.

– నమస్తే నెట్‌వర్క్‌, ఏప్రిల్‌ 13