రాష్ట్రస్థాయి వాలీబాల్ పోటీలకు ఉమ్మడి ఖ‌మ్మం జిల్లా జట్టు ఎంపిక

బెల్లంపల్లి వేదికగా ఈ నెల 5, 6, 7 తేదీల్లో జరగనున్న రాష్ట్రస్థాయి వాలీబాల్ పోటీల్లో పాల్గొనే ఉమ్మడి జిల్లా అండర్‌-17 బాలికల జట్టు ఎంపికలు సోమవారం ఉత్సాహభరిత వాతావరణంలో ముగిశాయి. చుంచుపల్లి మండలంలోని రుద్రంపూర్ జిల్లా పరిషత్ ఉన్నత పాఠశాల మైదానంలో...

– ​అండర్‌-17 బాలికల విభాగంలో 14 మంది క్రీడాకారిణుల ఎంపిక

చుంచుపల్లి, నవంబర్ 02 : బెల్లంపల్లి వేదికగా ఈ నెల 5, 6, 7 తేదీల్లో జరగనున్న రాష్ట్రస్థాయి వాలీబాల్ పోటీల్లో పాల్గొనే ఉమ్మడి జిల్లా అండర్‌-17 బాలికల జట్టు ఎంపికలు సోమవారం ఉత్సాహభరిత వాతావరణంలో ముగిశాయి. చుంచుపల్లి మండలంలోని రుద్రంపూర్ జిల్లా పరిషత్ ఉన్నత పాఠశాల మైదానంలో ఈ ఎంపిక పోటీలను నిర్వహించారు. ​ఈ ట్రయల్స్‌కు ఉమ్మడి జిల్లా నలుమూలల నుండి సుమారు 140 మంది క్రీడాకారిణులు హాజరై తమ ప్రతిభను చాటారు. వారి ఆటతీరు, నైపుణ్యాలను పరిశీలించిన సెలెక్టర్లు అత్యుత్తమ ప్రతిభ కనబరిచిన 14 మంది బాలికలను రాష్ట్రస్థాయి పోటీలకు జిల్లా జట్టు తరఫున ప్రాతినిధ్యం వహించేందుకు ఎంపిక చేశారు. ​రాష్ట్రస్థాయి పోటీలకు బయల్దేరే ముందు ఎంపికైన క్రీడాకారిణులకు రుద్రంపూర్ పాఠశాల మైదానంలో రెండు రోజుల పాటు ప్రత్యేక శిక్షణ శిబిరం (కోచింగ్ క్యాంప్) నిర్వహించనున్నట్లు స్కూల్ గేమ్స్ ఫెడరేషన్ (ఎస్‌జీఎఫ్) కార్యదర్శి బాబు సింగ్ తెలిపారు.