Ramavaram : ‘మ‌హిళ‌ల‌ ఆర్థిక స్వావ‌లంబ‌నకు జ్యూట్ బ్యాగ్ త‌యారీ దోహ‌దం’

మ‌హిళ‌ల ఆర్థిక స్వావ‌లంబ‌న‌కు జ్యూట్ బ్యాగ్ త‌యారీ శిక్ష‌ణ దోహ‌దం చేస్త‌ద‌ని కొత్తగూడెం ఏరియా సేవా అధ్యక్షురాలు జి.మ‌ధుర‌వాణి అన్నారు. సీ.ఈ.ఆర్ క్ల‌బ్‌లో కొన‌సాగుతున్న జ్యూట్ బ్యాగ్ త‌యారీ శిక్ష‌ణ‌ను గురువారం ఆమె సంద‌ర్శించారు. ఈ సంద‌ర్భంగా మాట్లాడుతూ..

– కొత్తగూడెం ఏరియా సేవా అధ్యక్షురాలు జి.మ‌ధుర‌వాణి

రామవరం, జనవరి 1 : మ‌హిళ‌ల ఆర్థిక స్వావ‌లంబ‌న‌కు జ్యూట్ బ్యాగ్ త‌యారీ శిక్ష‌ణ దోహ‌దం చేస్త‌ద‌ని కొత్తగూడెం ఏరియా సేవా అధ్యక్షురాలు జి.మ‌ధుర‌వాణి అన్నారు. సీ.ఈ.ఆర్ క్ల‌బ్‌లో కొన‌సాగుతున్న జ్యూట్ బ్యాగ్ త‌యారీ శిక్ష‌ణ‌ను గురువారం ఆమె సంద‌ర్శించారు. ఈ సంద‌ర్భంగా మాట్లాడుతూ.. ప్రస్తుతం కాలంలో ప్లాస్టిక్ విప‌రీత‌ వాడకంతో పర్యావరణ కాలుష్యం పెరిగింద‌న్నారు. ఈ నేప‌థ్యంలో కేంద్ర ప్రభుత్వం ఈ జ్యూట్ బ్యాగ్ తయారీ కార్యక్రమాలను నిరుద్యోగ మహిళలకు నేర్పించి, వారికి స్వయం లబ్ధి చేకూరేలా, ప్లాస్టిక్ వాడకాన్ని తగ్గించేలా ఈ కార్యక్రమాలను చేపట్టిన‌ట్లు తెలిపారు. ఈ అవకాశాన్ని నిరుద్యోగ మహిళలు సద్వినియోగం చేసుకొని వారి కుటుంబాలను ఆర్థికంగా మెరుగు పరుచుకోవాలని పేర్కొన్నారు. అనంతరం సేవా సెక్రటరీ వై.అనిత, లేడీస్ క్లబ్ సెక్రెటరీ సునీత మురళితో కలిసి ఆమె కేక్ కట్ చేసి నూతన సంవత్సర శుభాకాంక్షలు తెలిపారు. ఈ కార్యక్రమంలో ఏజీఎం (పర్సనల్) జి.వి.మోహన్ రావు, జ్యూట్ బ్యాగ్ తయారీ ట్రైన‌ర్ పద్మావతి, సేవ కో-ఆర్డినేటర్ సీహెచ్.సాగర్, సేవా సభ్యులు పాల్గొన్నారు.