సీసీఐ కొనుగోలు కేంద్రంలో కానరాని రైతులు

బూర్గంపహాడ్ మండల పరిధిలోని లక్ష్మీపురం గ్రామంలో భారత పత్తి సంస్థ కొనుగోలు కేంద్రాన్ని ఎమ్మెల్యే పాయం వెంకటేశ్వర్లు గురువారం లాంఛనంగా ప్రారంభించారు. అయితే కొనుగోలు కేంద్రం ప్రారంభించిన సమయంలో అక్కడ రైతులు లేక కుర్చీలు ఖాళీగా...

– కొనుగోలు కేంద్రం ప్రారంభోత్సవంలో ఖాళీ కుర్చీలే ద‌ర్శనం
– అధికారులపై ఎమ్మెల్యే పాయం వెంకటేశ్వర్లు అసహనం

బూర్గంపహాడ్, అక్టోబర్ 28 : బూర్గంపహాడ్ మండల పరిధిలోని లక్ష్మీపురం గ్రామంలో భారత పత్తి సంస్థ కొనుగోలు కేంద్రాన్ని ఎమ్మెల్యే పాయం వెంకటేశ్వర్లు గురువారం లాంఛనంగా ప్రారంభించారు. అయితే కొనుగోలు కేంద్రం ప్రారంభించిన సమయంలో అక్కడ రైతులు లేక కుర్చీలు ఖాళీగా దర్శనమిచ్చాయి. దీంతో సంబంధిత శాఖ అధికారులపై ఎమ్మెల్యే అసహనం వ్యక్తం చేశారు. సీసీఐ కొనుగోలు కేంద్రం ప్రారంభ సమాచారాన్ని సంబంధిత శాఖ అధికారులు రైతులకు అందించడంలో పూర్తిగా విఫలమయ్యారా అనే ఆరోపణలూ లేకపోలేదు. ఇలా మెప్పు కోసం హడావుడిగా కొనుగోలు కేంద్రం ఏర్పాటు చేసి రైతులు లేకుండా కొనుగోళ్లు ప్రారంభించడం సబబుకాదని అధికారుల తీరుపై పలువురు రైతులు మండిపడుతున్నారు.