వాతావరణ అనుకూల వ్యవసాయంపై రైతులకు అవగాహన

భద్రాద్రి కొత్తగూడెం జిల్లా కృషి విజ్ఞాన కేంద్రం (కేవీకే) ఆధ్వర్యంలో ప్రధానమంత్రి కిసాన్ సమ్మాన్ నిధి (పీఎం-కిసాన్) పథకం 24వ విడత నిధుల విడుదల కార్యక్రమాన్ని శుక్రవారం ప్రత్యక్ష ప్రసారం ద్వారా వీక్షించారు. ప్రధానమంత్రి నరేంద్ర మోదీ ఈ విడత నిధులను...

రుద్రంపూర్, అక్టోబర్ 30 : భద్రాద్రి కొత్తగూడెం జిల్లా కృషి విజ్ఞాన కేంద్రం (కేవీకే) ఆధ్వర్యంలో ప్రధానమంత్రి కిసాన్ సమ్మాన్ నిధి (పీఎం-కిసాన్) పథకం 24వ విడత నిధుల విడుదల కార్యక్రమాన్ని శుక్రవారం ప్రత్యక్ష ప్రసారం ద్వారా వీక్షించారు. ప్రధానమంత్రి నరేంద్ర మోదీ ఈ విడత నిధులను విడుదల చేయగా, దేశవ్యాప్తంగా రైతులకు రూ.18,460 కోట్ల ఆర్థిక సహాయం అందించారు. ఈ సందర్భంగా జిల్లా వ్యవసాయ అధికారి బాబురావు మాట్లాడుతూ.. పీఎం-కిసాన్ ద్వారా రైతులకు అందుతున్న ఆర్థిక సహాయాన్ని వ్యవసాయ అవసరాలకు సద్వినియోగం చేసుకోవాలని సూచించారు.

కేవీకే సీనియర్ శాస్త్రవేత్త, అధిపతి డాక్టర్ టి.భరత్ మాట్లాడుతూ ఎల్‌నినో ప్రభావంతో వ్యవసాయ రంగానికి ఎదురయ్యే ప్రతికూల పరిస్థితులను వివరించారు. వాతావరణ మార్పులకు అనుగుణంగా ప్రత్యామ్నాయ పంట ప్రణాళికలు రూపొందించుకోవాలని సూచించారు. ప్రకృతి వ్యవసాయం, పంట అవశేషాల నిర్వహణ, పంటల వైవిధ్యీకరణ, నేల పరీక్షల ఆధారంగా ఎరువుల వినియోగం వంటి పద్ధతులను పాటించడం ద్వారా నేల ఆరోగ్యాన్ని, సారాన్ని కాపాడుకోవచ్చని తెలిపారు.