Visit:
కారేపల్లి, సెప్టెంబర్ 22 : గణేష్ నవరాత్రి ఉత్సవాల సందర్భంగా సింగరేణి మండల పరిధిలోని సూర్యతండాలో గణపతి మండపం వద్ద మంగళవారం భక్తులకు అన్నదాన కార్యక్రమాన్ని ఘనంగా నిర్వహించారు. అన్న ప్రసాద వితరణ దాత సాయి, స్థానిక సర్పంచ్ బానోత్ రాందాస్ నాయక్ భక్తులకు స్వయంగా భోజనం వడ్డించి అన్నదాన కార్యక్రమాన్ని ప్రారంభించారు. ఈ సందర్భంగా పరిసర ప్రాంతాల నుండి వందలాది మంది భక్తులు తరలివచ్చి స్వామివారిని దర్శించుకుని అన్నప్రసాదాన్ని స్వీకరించారు. భక్తులకు ఎలాంటి ఇబ్బందులు కలగకుండా నిర్వాహకులు ఏర్పాట్లు చేశారు. ఈ కార్యక్రమంలో నిర్వాహకులు, గ్రామ పెద్దలు పాల్గొన్నారు.
