ఎరువుల కొరత లేకుండా అమ్మకాలు జరపాలి

రైతులకు ఎరువుల కొరత లేకుండా అమ్మకాలు నిర్వహించాలని మధిర ఏడీఏ స్వర్ణ విజయ్‌చందర్‌ అన్నారు. సోమవారం మండలంలోని ముష్టికుంట్ల సహకార సంఘంలో ఎరువుల నిల్వలను ఆయన పరిశీలించారు. ఈ సందర్భంగా సహకార సంఘాలకు సరఫరా అయిన ఎరువులు రైతులకు అందుబాటులో ఉంచాలని, వారి అవసరాల మేరకు విక్రయించాలన్నారు.

బోనకల్లు, డిసెంబర్‌ 30: రైతులకు ఎరువుల కొరత లేకుండా అమ్మకాలు నిర్వహించాలని మధిర ఏడీఏ స్వర్ణ విజయ్‌చందర్‌ అన్నారు. సోమవారం మండలంలోని ముష్టికుంట్ల సహకార సంఘంలో ఎరువుల నిల్వలను ఆయన పరిశీలించారు. ఈ సందర్భంగా సహకార సంఘాలకు సరఫరా అయిన ఎరువులు రైతులకు అందుబాటులో ఉంచాలని, వారి అవసరాల మేరకు విక్రయించాలన్నారు. ముందస్తుగా తీసుకెళ్లి స్టాక్‌ పెట్టుకోవడం వల్ల అవసరం ఉన్న రైతులకు ఇబ్బందులు తలెత్తుతాయన్నారు. కార్యక్రమంలో ఏఈవోలు తదితరులు పాల్గొన్నారు.

మిర్చి పంటలను పరిశీలించిన మధిర ఏడీఏ

ఎర్రుపాలెం, డిసెంబర్‌ 30: మండలంలోని గట్లగౌరవరం గ్రామంలో మిర్చి పంటను మధిర సహాయ వ్యవసాయ సంచాలకుడు ఎస్‌.విజయచంద్ర సోమవారం పరిశీలించారు. ప్రస్తుతం మిర్చిలో రసం పీల్చు పురుగులు, పొగాకు, లద్దెపురుగులు గమనించడం జరిగిందన్నారు. వాటి నివారణకు ఇమిడాక్లోప్రిడ్‌ 0.3- 0.4 ఎం.ఎల్‌ లీటర్‌, ఏపీపెట్‌ 1.5 గ్రాములు లీటర్‌ నీటికి కలిపి పిచికారీ చేయడం వల్ల రసంపీల్చు పురుగులను నివారించవచ్చన్నారు. రైతులు ఎప్పటికప్పుడు గమనించుకొని సస్యరక్షణ చర్యలు చేపట్టాలని సూచించారు. కార్యక్రమంలో ఏఈవో వంశీకృష్ణ, రైతులు పాల్గొన్నారు.