Road accident | క‌రీనంగ‌ర్ జిల్లాలో విషాదం.. కారు ఢీ కొని యువకుడి మృతి

రాజీవ్ రహదారి దాటుతున్న యువకున్ని కారు అతివేగంగా ఢీకొట్టగా అక్కడిక్కడే మృతి చెందాడు.

తిమ్మాపూర్, అక్టోబర్ 14 : రాజీవ్ రహదారి దాటుతున్న యువకున్ని కారు అతివేగంగా ఢీకొట్టగా అక్కడిక్కడే మృతి చెందాడు. వివరాల్లోకి వెళితే.. కరీంనగర్ జిల్లా తిమ్మాపూర్ మండలం అల్గునుర్ డివిజన్ కు చెందిన వీర్ల సదాలింగం అనే యువకుడు బుధవారం ఉదయం అల్గునుర్ చౌరస్తా సమీపంలో హైదరాబాద్ రోడ్డు వైపు దాటుతున్నాడు. ఈ క్రమంలో కరీంనగర్ వెళ్తున్న కారు ఢీ కొట్టడంతో రోడ్డుపై ఎగిరిపడి తలకు తీవ్రమైన గాయాలై అక్కడిక్కడే మృతి చెందాడు.

స‌మాచారం అందుకున్న పోలీసులు సంఘ‌ట‌న స్థ‌లానికి చేరుకొని మృతదేహాన్ని పోస్ట్‌మార్టం నిమిత్తం ప్ర‌భుత్వ ద‌వాఖాన‌కు తరలించారు. కేసు న‌మోదు చేసుకొని ద‌ర్యాప్తు చేప‌ట్టారు. కాగా, కుటుంబసభ్యులు సంఘటన స్థలానికి చేరుకుని మృతదేహంపై రోదించిన తీరు అందరినీ కలిచివేసింది. గ్రామంలో సౌమ్యునిగా పేరున్న ఆయన మరణించడంతో విషాద ఛాయలు అలుముకున్నాయి.