TGPSC Exam | పోలీసు భారీ బందోబస్తు మధ్య ప్రశాంతంగా టీజీపీఎస్సీ పరీక్ష.. పరీక్షా కేంద్రాన్ని పరిశీలించిన పెద్దపల్లి జిల్లా కలెక్టర్ కోయ శ్రీహర్ష

తెలంగాణ పబ్లిక్ సర్వీస్ కమిషన్ (టీజీపీఎస్సీ) ఆధ్వర్యంలో నిర్వహించిన అసిస్టెంట్ సైంటిస్ట్ అనలిస్ట్ రిక్రూట్‌మెంట్ పరీక్ష పోలీసుల భారీ బందోబస్తు మధ్య శనివారం ప్రశాంతంగా ముగిసింది. పరీక్షా కేంద్రంలో ఎలాంటి అవాంఛనీయ సంఘటనలు చోటుచేసుకోకుండా అధికారులు పకడ్బందీ ఏర్పాట్లు చేశారు.

• 100 మందికి గాను 62 మంది హాజరు.. 38 మంది గైర్హాజరు

TGPSC Exam | రామగిరి, అక్టోబరు 24 : తెలంగాణ పబ్లిక్ సర్వీస్ కమిషన్ (టీజీపీఎస్సీ) ఆధ్వర్యంలో నిర్వహించిన అసిస్టెంట్ సైంటిస్ట్ అనలిస్ట్ రిక్రూట్‌మెంట్ పరీక్ష పోలీసుల భారీ బందోబస్తు మధ్య శనివారం ప్రశాంతంగా ముగిసింది. పరీక్షా కేంద్రంలో ఎలాంటి అవాంఛనీయ సంఘటనలు చోటుచేసుకోకుండా అధికారులు పకడ్బందీ ఏర్పాట్లు చేశారు. రెండు సెషన్లలో నిర్వహించిన ఈ పరీక్షకు మొత్తం 100 మంది అభ్యర్థులకు గాను 62 మంది హాజరుకాగా, 38 మంది గైర్హాజరైనట్లు కళాశాల ప్రిన్సిపాల్ బి. విష్ణువర్ధన్ తెలిపారు. మరో ఇద్దరు అభ్యర్థులు నిర్ణీత సమయానికి పరీక్షా కేంద్రానికి చేరుకోకపోవడంతో నిబంధనల ప్రకారం పరీక్ష రాసేందుకు పోలీసులు అనుమతించలేదు.

పరీక్ష నిర్వహణ తీరును జిల్లా కలెక్టర్ కోయ శ్రీహర్ష, రామగుండం పోలీస్ కమిషనర్ అంబర్ కిషోర్ ఝా, పెద్దపల్లి డీసీపీ భూక్యా రాంరెడ్డి పరిశీలించారు. పరీక్షా కేంద్రంలో చేపట్టిన ఏర్పాట్లు, భద్రతా చర్యలను సమీక్షించారు. అభ్యర్థులకు ఎలాంటి ఇబ్బందులు కలగకుండా పరీక్షను ప్రశాంత వాతావరణంలో నిర్వహించేలా చర్యలు తీసుకున్నారు. గోదావరిఖని ఏసీపీ మడత రమేష్, మంథని సీఐ బుద్దె స్వామి, రామగిరి ఎస్సై టీ శ్రీనివాస్, మహిళా ఎస్సై స్రవంతి ఆధ్వర్యంలో భారీ పోలీసు బందోబస్తు ఏర్పాటు చేశారు. జిల్లా ఫ్లయింగ్ స్క్వాడ్ సైతం పరీక్షా కేంద్రాన్ని సందర్శించి పరీక్ష నిర్వహణను పరిశీలించింది. అధికారుల సమన్వయం, పటిష్టమైన భద్రతా ఏర్పాట్లతో పరీక్ష ప్రశాంతంగా ముగిసింది.