బుచ్చయ్యపల్లి గ్రామంలో సిలిండర్ గ్యాస్ లీకై పూరి గుడిసె దగ్ధం

పెద్దపల్లి జిల్లా ధర్మారం మండలం బుచ్చయ్యపల్లి గ్రామంలో ఆవుల సదయ్య అనే ఇంటిలో శనివారం సిలిండర్ గ్యాస్ లీక్ అయి పూరిగుడిసె దగ్ధమైంది. బాధితుడు సదయ్య, గ్రామస్తుల కథనం ప్రకారం.. నిరుపేద అయిన సదయ్య గ్రామంలో పూరి గుడిసెలో నివాసముంటున్నాడు.

• తల్లితో పాటు ఆమె రెండేళ్ల కొడుకుకు తప్పిన ప్రాణాపాయం
• ప్రమాద ఘటనలో కాలిపోయిన వంట సామాగ్రి, బట్టలు
• నిరాశ్రయులైన పేద కుటుంబం

ధర్మారం, నవంబర్ 22 : పెద్దపల్లి జిల్లా ధర్మారం మండలం బుచ్చయ్యపల్లి గ్రామంలో ఆవుల సదయ్య అనే ఇంటిలో శనివారం సిలిండర్ గ్యాస్ లీక్ అయి పూరిగుడిసె దగ్ధమైంది. బాధితుడు సదయ్య, గ్రామస్తుల కథనం ప్రకారం.. నిరుపేద అయిన సదయ్య గ్రామంలో పూరి గుడిసెలో నివాసముంటున్నాడు. సదయ్య గ్రామ శివారులోని వరి ధాన్యం కొనుగోలు కేంద్రంలో వాచ్ మెన్ గా పనిచేస్తూ ఉదయం అక్కడే ఉన్నాడు.

కాగా అప్పటికే గ్యాస్ లీక్ అయిన సమయంలో గుడిసెకు అంటుకోవడంతో మంటలు వ్యాపించాయి. ఈ ఘటనలో గ్యాస్ స్టవ్ పూర్తిగా కాలిపోయింది. గ్రామస్తులు వచ్చి నీటితో మంటలను ఆర్పివేశారు. ఈ ఘటనలో సదయ్య ఇంటిలోని వంట సామాగ్రి, బియ్యం, బట్టలు కాలి పోయాయి. బాధితులు పూర్తిగా నిరాశ్రయులయ్యారు. ప్రభుత్వం తమను ఆదుకోవాలని సదయ్య అతడి భార్య మాధవి వేడుకుంటోంది.