ఆధ్యాత్మికతతోనే మానసిక ప్రశాంతత

ఆధ్యాత్మికతతోనే మానసిక ప్రశాంతత దొరుకుతుందని ఎమ్మెల్యే డాక్టర్‌ సంజయ్‌కుమార్‌ తెలిపారు. అయోధ్య శ్రీరాముడి వద్ద పూజలు అందుకున్న అక్షింతలు జిల్లా కేంద్రంలోని అష్టలక్ష్మీ ఆలయానికి చేరుకోగా ఎమ్మెల్యే అమ్మవారికి ప్రత్యేక పూజలు చేసి, అక్షింతలను శోభాయాత్రగా తీసుకెళ్ళి ఇంటింటికీ పంపిణీ చేశారు.

• ఎమ్మెల్యే డాక్టర్‌ సంజయ్‌కుమార్‌

జగిత్యాల టౌన్‌, జనవరి 1 : ఆధ్యాత్మికతతోనే మానసిక ప్రశాంతత దొరుకుతుందని ఎమ్మెల్యే డాక్టర్‌ సంజయ్‌కుమార్‌ తెలిపారు. అయోధ్య శ్రీరాముడి వద్ద పూజలు అందుకున్న అక్షింతలు జిల్లా కేంద్రంలోని అష్టలక్ష్మీ ఆలయానికి చేరుకోగా ఎమ్మెల్యే అమ్మవారికి ప్రత్యేక పూజలు చేసి, అక్షింతలను శోభాయాత్రగా తీసుకెళ్ళి ఇంటింటికీ పంపిణీ చేశారు.

ఈ సందర్భంగా ఆయన మాట్లాడుతూ లోక కల్యాణం కోసం నిర్వహిస్తున్న ఈ కార్యక్రమంలో పాల్గొనడం తన అదృష్టంగా భావిస్తున్నట్లు చెప్పారు. శ్రీరాముని అక్షింతలను జిల్లా కేంద్రంలోని అన్ని వైష్ణవాలయాల నుంచి భక్తులకు అందించనున్నట్లు తెలిపారు. ఈ కార్యక్రమంలో మున్సిపల్‌ చైర్మన్‌ గోలి శ్రీనివాస్‌, కౌన్సిలర్‌ గుగ్గిళ్లపు హరీశ్‌, బీఆర్‌ఎస్‌ నాయకులు ఆవారి గంగాధర్‌, గంప వేణు, చేని అనిల్‌, నిర్వాహకులు అశోక్‌రావు, సుబ్రహ్మణ్యం, తదితరులు పాల్గొన్నారు.