Minister Sridhar Babu | మథని ఎన్నికల ప్రచారంలో మంత్రి శ్రీధర్‌బాబుకు పరాభవం.. పోచమ్మవాడలో నిరసన సెగ

మున్సిపల్‌ ఎన్నికల ప్రచారం జోరుగా సాగుతున్న క్రమంలో సోమవారం ఎనిమిదో వార్డు అభ్యర్థికి మద్దతుగా ప్రచారంలో పాల్గొన్న రాష్ట్ర మంత్రి దుద్దిళ్ల శ్రీధర్‌బాబుకు పరాభవం ఎదురైంది.

• మంత్రిని ప్రశ్నించిన యువకులకు పోలీసుల బెదిరింపులు
• కంగుతిని అక్కడి నుండి జారుకున్న మంత్రి శ్రీధర్‌ బాబు

Minister Sridhar Babu | పెద్దపల్లి/మథని : మున్సిపల్‌ ఎన్నికల ప్రచారం జోరుగా సాగుతున్న క్రమంలో సోమవారం ఎనిమిదో వార్డు అభ్యర్థికి మద్దతుగా ప్రచారంలో పాల్గొన్న రాష్ట్ర మంత్రి దుద్దిళ్ల శ్రీధర్‌బాబుకు పరాభవం ఎదురైంది. మంథని మున్సిపల్‌ పరిధిలోని పోచమ్మవాడ లో మున్సిపల్ ఎన్నికల ప్రచారంలో పాల్గొన్న మంత్రికి నిరసన సెగ తగిలింది.

పోచమ్మవాడలో చదువుకున్న యువకులు ఎంతో మంది ఉన్నారని, ఐటీ శాఖ మంత్రి గా ఉండి 2 సంవత్సరాలు అవుతున్న జాబ్ లు ఎందుకు పెట్టి ఇవ్వలేదని, నిరుద్యోగులు మంత్రిని నిలదీశారు. మంత్రిని స్థానిక యువకులు నిలదీయంతో మంత్రిఒక్కసారిగా అవాక్కయ్యారు. దీంతో కంగుతిన్న పోలీసులు యువకులను అక్కడి నుంచి లాక్కొని వెళ్లారు.

కేసులు పెట్టి జైలుకు పంపుతామని యువకులను పోలీసులు బెదిరించారు. కాగా పరిస్థితి అనుకూలంగా లేకపోవడంతో మంత్రి ప్రచారం బంద్ చేసి అక్కడి నుంచి మరో వార్డుకు జారుకున్నారు.