Jagityal | 27న జగిత్యాల జిల్లాలో జాబ్ మేళా

జగిత్యాల జిల్లాలోని నిరుద్యోగులకు యువతీయువకులకు ప్రైవేట్ రంగంలో ఉద్యోగాలు కల్పించేందుకు ఈ నెల 27న జిల్లా కేంద్రంలోని ఉపాధి కల్పన కార్యాలయంలో ఇంటర్వ్యూలు నిర్వహించనున్నట్లు జిల్లా ఉపాధి కల్పన అధికారి సత్యమ్మ తెలిపారు.

Jagityal | జగిత్యాల, అక్టోబర్ 26 : జగిత్యాల జిల్లాలోని నిరుద్యోగులకు యువతీయువకులకు ప్రైవేట్ రంగంలో ఉద్యోగాలు కల్పించేందుకు ఈ నెల 27న జిల్లా కేంద్రంలోని ఉపాధి కల్పన కార్యాలయంలో ఇంటర్వ్యూలు నిర్వహించనున్నట్లు జిల్లా ఉపాధి కల్పన అధికారి సత్యమ్మ తెలిపారు. ఈ మేరకు ఆమె సోమవారం ఒక ప్రకటన విడుదల చేశారు. హైదరాబాద్‌లోని లులు ఇంటర్నేషనల్ షాపింగ్ మాల్ ప్రైవేట్ లిమిటెడ్ కంపెనీలోని ఖాళీలు కోసం ఈ ఇంటర్వ్యూలు నిర్వహిస్తున్నట్లు పేర్కొన్నారు. ఈ ఉద్యోగాలకు ఎస్‌ఎస్‌సీ, ఇంటర్, డిగ్రీ, ఎంబీఏ, ఎంసీఏ ఆ పైన విద్య అర్హతలు కలిగి ఉన్న విద్యార్థులు అర్హులని తెలిపారు.

ఎంపిక కాపాడిన అభ్యర్థులు హైదరాబాద్ లో పనిచేయాల్సి ఉంటుందని, వేతనం నెలకు రూ.18వేల నుండి రూ.25 వేల వరకు, ఫ్రీ ఫుడ్ , హాస్టల్ వసతి కల్పించనున్నారని, అర్హత ఆసక్తి గల నిరుద్యోగ యువతీ యువకులు 27న ఉదయం 10 గంటల నుండి మధ్యాహ్నం 2 గంటల వరకు జరిగే జాబ్ మేళాకు రెస్యూమ్, ఎడ్యుకేషన్ సర్టిఫికెట్స్, ఆధార్ కార్డులతో హాజరై ఈ అవకాశాన్ని సద్వినియోగం చేసుకోవాలన్నారు. ఇంటర్వ్యూలు జగిత్యాల కలెక్టరేట్‌ భవనంలోని రెండో అంతస్తులోని జిల్లా ఉపాధి కల్పనా కార్యాలయం గల రూమ్ నంబర్ 217 జరుగుతాయని, కావున ఉద్యోగార్థులు హాజరు కావాలని సూచించారు.