అప్రమత్తతతోనే అగ్ని ప్రమాదాలకు అడ్డుకట్ట
అప్రమత్తంగా ఉంటే అగ్ని ప్రమాదాలకు అడ్డుకట్ట వేయవచ్చని జగిత్యాల ఎస్పీ అశోక్‌కుమార్‌ సూచించారు. అగ్నిమాపక వారోత్సవాల సందర్భంగా అగ్నిప్రమాదాల సమయంలో తీసుకోవాల్సిన జాగ్రత్తలు, వాటి నివారణ గురించి అవగాహన కల్పించేందుకు తెలంగాణ ఫైర్‌ డిజాస్టర్‌ రెస్పాన్స్‌, ఎమర్జెన్సీ రూపొందించిన ప్రత్యేక ప్రచార పోస్టర్‌ను ఆయన స్థానిక పోలీస్‌ ప్రధాన కార్యాలయంలో సోమవారం ఆవిషరించారు.
- జగిత్యాల ఎస్పీ అశోక్‌ కుమార్‌
జగిత్యాల కలెక్టరేట్‌, ఏప్రిల్‌ 14 : అప్రమత్తంగా ఉంటే అగ్ని ప్రమాదాలకు అడ్డుకట్ట వేయవచ్చని జగిత్యాల ఎస్పీ అశోక్‌కుమార్‌ సూచించారు. అగ్నిమాపక వారోత్సవాల సందర్భంగా అగ్నిప్రమాదాల సమయంలో తీసుకోవాల్సిన జాగ్రత్తలు, వాటి నివారణ గురించి అవగాహన కల్పించేందుకు తెలంగాణ ఫైర్‌ డిజాస్టర్‌ రెస్పాన్స్‌, ఎమర్జెన్సీ రూపొందించిన ప్రత్యేక ప్రచార పోస్టర్‌ను ఆయన స్థానిక పోలీస్‌ ప్రధాన కార్యాలయంలో సోమవారం ఆవిషరించారు. ఈ సందర్భంగా జిల్లా ఎస్పీ మాట్లాడుతూ ప్రతి ఒకరూ ఫైర్‌ సేఫ్టీపై అవగాహన కలిగి ఉండడం అత్యంత అవసరం అని సూచించారు.
అగ్ని ప్రమాదాలు జరగకుండా ప్రజలు తీసుకోవాల్సిన జాగ్రత్తలు గురించి ప్రచారం చేస్తూ ప్రజలను చైతన్య వంతులను చేయడమే ఈ వారోత్సవాల ముఖ్య ఉద్దేశమని తెలిపారు. ఈ పోస్టర్‌లో అగ్నిప్రమాదాల సమయంలో తీసుకోవాల్సిన జాగ్రత్తలు, అత్యవసర సమయంలో ప్రజలు అనుసరించాల్సిన చర్యలు, ఫైర్‌సర్వీస్‌ అంబులెన్స్‌, సిబ్బంది సమాచారం చకగా చూపించినట్లు చెప్పారు. ప్రజలు ఏదైనా అగ్ని ప్రమాదం సంభవించినప్పుడు వెంటనే 101కి సమాచారం అందించాలని కోరారు. ఈ కార్యక్రమంలో ఎస్‌ఎఫ్‌ఓ కృష్ణకాంత్‌, ఎల్‌ఎఫ్‌ రవీందర్‌, జీ మధు, అగ్నిమాపక సిబ్బంది పాల్గొన్నారు.
Read Today's Latest Karimnagar News in Telugu and Telugu News
- Follow Us :
-
