Jeevan Reddy | ప్రజావాణిలో జీవన్ రెడ్డి లేఖకు స్పందన.. పెట్రోల్ బంక్ ఏర్పాటుపై కదలిక..!

Jeevan Reddy : బీఆర్‌ఎస్ రాష్ట్ర ప్రధాన కార్యదర్శి తాటిపర్తి జీవన్ రెడ్డి 'ప్రజావాణి'లో ఇచ్చిన వినతి పత్రంపై కలెక్టర్ బి.సత్యప్రసాద్ స్పందించారు.

Jeevan Reddy : బీఆర్‌ఎస్ రాష్ట్ర ప్రధాన కార్యదర్శి తాటిపర్తి జీవన్ రెడ్డి ప్రజావాణిలో ఇచ్చిన వినతి పత్రంపై కలెక్టర్ బి.సత్యప్రసాద్ స్పందించారు. జగిత్యాల పట్టణంలోని పాత బస్టాండ్ వద్ద పోలీసు శాఖ ఆధ్వర్యంలో పెట్రోల్ బంక్ ఏర్పాటుపై దృష్టి సారించాలని ఎస్పీ అశోక్ కుమార్‌కు కలెక్టర్ లేఖ రాశారు. జీవన్ రెడ్డి చేసిన  అభ్యర్థనపై వెంటనే విచారణ చేపట్టి తగు చర్యలు చేపట్టాలని తెలిపారు.

పాత బస్టాండ్ వద్ద పోలీసు శాఖ ఆధ్వర్యంలో పెట్రోల్ బంక్ ఏర్పాటు చేయాలని బీఆర్ఎస్ పార్టీ రాష్ట్ర ప్రధాన కార్యదర్శి తాటిపర్తి జీవన్ రెడ్డి సెప్టెంబర్ 7 న జిల్లా కలెక్టరేట్ ప్రజావాణిలో వినతి పత్రం సమర్పించారు. శిథిలావస్థకు చేరిన పోలీస్ క్వార్టర్స్‌లో విశాలమైన స్థలం అందుబాటులో ఉందని, అక్కడ పెట్రోల్ బంక్ ఏర్పాటు చేస్తే వాహనదారులకు సైతం సౌకర్యంగా ఉంటుందని జీవన్ రెడ్డి లేఖలో పేర్కొన్నారు. పోలీసు కుటుంబాల సంక్షేమార్థం అక్కడ పెట్రోల్ బంక్ ఏర్పాటు చేయాలని ఆయన కోరారు.

పోలీస్ శాఖ ఆధ్వర్యంలో పెట్రోల్ బంక్ ఏర్పాటు చేసేందుకు టెండర్ పిలిచి మూడేళ్లు అవుతుందని, ఇంకా ఆలస్యం చేయొద్దని జీవన్ రెడ్డి లేఖలో రాశారు. ఆయన లేఖకు స్పందించిన జిల్లా కలెక్టర్ బి.సత్యప్రసాద్ పోలీసుల ఆధ్వర్యంలో పెట్రోల్ బంక్ ఏర్పాటు చేసేందుకు తగు చర్యలు తీసుకోవాలని ఎస్పీకి ఉత్తరం రాశారు. వ్యక్తిగతంగా విచారణ చేపట్టి నిబంధనల ప్రకారం పోలీసుల ఆధ్వర్యంలో బంక్ ఏర్పాటుకు చర్యలు చేపట్టాలని కలెక్టర్ పేర్కొన్నారు.