Kolanuru | పిడుగుపాటుకు పొలంలో రైతు మృతి.. కొలనూరు గ్రామంలో విషాదం

పెద్దపల్లి జిల్లా ఓదెల మండలంలోని కొలనూరు గ్రామంలో మంగళవారం మధ్యాహ్నం కురిసిన భారీ వర్షానికి పిడుగు పడి జంగా సుధాకర్ రెడ్డి (65) అనే రైతు తన పొలంలో మృతి చెందాడు.

Kolanuru | ఓదెల, సెప్టెంబర్ 22 : పెద్దపల్లి జిల్లా ఓదెల మండలంలోని కొలనూరు గ్రామంలో మంగళవారం మధ్యాహ్నం కురిసిన భారీ వర్షానికి పిడుగు పడి జంగా సుధాకర్ రెడ్డి (65) అనే రైతు తన పొలంలో మృతి చెందాడు. మధ్యాహ్నం వేళ భారీ వర్షం ఉరుములు, మెరుపులతో రావడంతో రైతు సుధాకర్ రెడ్డి మామిడి చెట్టు కింద ఉండగా పిడుగు పడి మృతి చెందినట్లు గ్రామస్తులు, కుటుంబ సభ్యులు అనుమానిస్తున్నారు.

పొలంలో పడి మృతి చెంది ఉన్నాడు. మృతుడికి భార్య, కొడుకు, కూతురు ఉన్నారు. ఈ విషయం తెలిసిన గ్రామస్తులు పెద్ద సంఖ్యలో పొలం వద్దకు వెళ్లి పిడుగుపాటుకు మృతి చెందిన రైతును చూసి వస్తున్నారు. ఈ ఘటన గ్రామంలో విషాదాన్ని నింపింది.