Konapur | చిన్నారులకు చిరుధాన్యాలను తినిపించాలి.. కోనాపూర్‌ సర్పంచ్ ఆకుల రమేష్

చిన్నారులకు పోషకాలు కలిగిన చిరుధాన్యాలను తప్పకుండా తినిపించాలని గ్రామ సర్పంచ్ ఆకుల రమేష్ సూచించారు. సారంగాపూర్‌ మండలంలోని కోనాపూర్ గ్రామంలోని అంగన్ వాడీ కేంద్రంలో ధర్మపురి సెక్టార్ పరిధిలో పోషన్ పక్వాడ్ కార్యక్రమంలో భాగంగా సోమవారం అవగాహన కార్యక్రమాన్ని నిర్వహించారు.

Konapur | సారంగాపూర్, ఏప్రిల్ 20 : చిన్నారులకు పోషకాలు కలిగిన చిరుధాన్యాలను తప్పకుండా తినిపించాలని గ్రామ సర్పంచ్ ఆకుల రమేష్ సూచించారు. సారంగాపూర్‌ మండలంలోని కోనాపూర్ గ్రామంలోని అంగన్ వాడీ కేంద్రంలో ధర్మపురి సెక్టార్ పరిధిలో పోషన్ పక్వాడ్ కార్యక్రమంలో భాగంగా సోమవారం అవగాహన కార్యక్రమాన్ని నిర్వహించారు. ఈ సందర్భంగా అంగన్ వాడీ సూపర్వైజర్ లత మాట్లాడుతూ చిన్నారులు పుట్టిన నుంచి ఆరు సంవత్సరాల పిల్లల పోషన అభివృద్ధి, శిశువు మెదడు వికాశాన్ని ప్రోత్సహించడం పట్ల తల్లులకు అవగాహన కల్పించారు.

గర్భిణులు తీసుకునే ఆహారం, పోషక పదార్ధాలు ప్రదర్శించి అవగాహన కల్పించారు. ఈ సందర్భంగా చిన్నారులకు అన్నప్రసన, అక్ష్యరాబ్యాసాలు కార్యక్రమాలను నిర్వహించారు. ప్రతీ రోజు పిల్లలకు పోషక విలువలు కలిగిన చిరు ధాన్యాలను, ఆహారం తినిపించాలని వివిధ అంశాలపై అవగాహన కల్పించారు. ఫ్రీ స్కూల్ విద్యార్థులకు ఈ సందర్భంగా సర్టిఫికెట్స్ అందజేశారు. ఈ కార్యక్రమంలో ఉప సర్పంచ్ తిరుకొవెల కిష్టయ్య, పంచాయతీ కార్యదర్శి నరేష్, వార్డు సభ్యులు, అంగన్వాడీ టీచర్లు, గ్రామస్తులు తదితరులు పాల్గొన్నారు.