Karimnagar | అద్వితలో కార్నివాల్ వీక్-2026

కరీంనగర్‌లోని భగత్‌నగర్‌ అద్విత ఇంటర్నేషనల్ స్కూల్‌లో బాలల దినోత్సవాన్ని పురస్కరించుకుని నిర్వహిస్తున్న వార్షిక కార్నివాల్ వీక్-2026 వేడుకలు బుధవారం ఘనంగా ప్రారంభమయ్యాయి.

Karimnagar | కమాన్ చౌరస్తా, నవంబర్ 11 : కరీంనగర్‌లోని భగత్‌నగర్‌ అద్విత ఇంటర్నేషనల్ స్కూల్‌లో బాలల దినోత్సవాన్ని పురస్కరించుకుని నిర్వహిస్తున్న వార్షిక కార్నివాల్ వీక్-2026 వేడుకలు బుధవారం ఘనంగా ప్రారంభమయ్యాయి. ఈ కార్నివాల్ వీక్‌కు పాఠశాల డైరెక్టర్ అనుదీప్ సౌగాని ముఖ్య అతిథిగా హాజరై రంగురంగుల బెలూన్లను గాలిలోకి విడుదల చేసి ప్రారంభించారు. ఆకాశంలోకి ఎగసిన బెలూన్లు ప్రతీ చిన్నారి కలలు, ఆశయాలకు, ఉన్నత శిఖరాలను అధిరోహించాలనే స్ఫూర్తికి ప్రతీకగా నిలిచాయని ఆయన అన్నారు.

బాల్యం, సృజనాత్మకత, ఆనందాన్ని వేడుకగా మలిచే లక్ష్యంతో వారం రోజుల పాటు ఈ కార్నివాల్‌ను నిర్వహిస్తున్నట్లు నిర్వాహకులు తెలిపారు. ఈ వీక్‌లో భాగంగా పెర్ఫార్మెన్స్ అండ్ విజువల్ ఆర్ట్స్, మూవీ టైమ్, పాట్‌లక్స్, ఎక్స్‌ప్రెషన్-క్యాస్కేడ్స్ వంటి ఆసక్తికరమైన కార్యక్రమాలు, పోటీలు నిర్వహించనున్నారు. విద్యార్థులు తమ అభిరుచులను అన్వేషించడానికి, ప్రతిభను ప్రదర్శించడానికి, భావాలను స్వేచ్ఛగా వ్యక్తపరచడానికి ఈ కార్యక్రమాలు చక్కని వేదికగా నిలుస్తాయని పేర్కొన్నారు.