US and Nichals Maduro | నికోలస్‌ మదురోను చట్టబద్ద అధ్యక్షుడిగా పరిగణించం : అమెరికా స్పష్టీకరణ

US and Nicolas Maduro | వెనిజులా చట్టబద్ద అధ్యక్షుడి నికోలస్‌ మదురోను గుర్తించడం లేదని అమెరికా స్పష్టం చేసింది. ఈ మేరకు అధికార ప్రతినిధి నెడ్‌ ప్రైస్‌ పేరుతో వైట్‌హౌస్‌ మంగళవారం ఒక ప్రకటన విడుదల చేసింది.

US and Nichals Maduro | వెనిజులాకు చెందిన నికోలస్‌ మదురోను చట్టబద్దమైన అధ్యక్షుడిగా గుర్తించడంలేదని అమెరికా స్పష్టం చేసింది. ఈ మేరకు వైట్‌ హౌస్‌ మంగళవారం రాత్రి ఒక ప్రకటనను విడుదల చేసింది. ఈ ప్రకటన స్టేట్‌ డిపార్ట్‌మెంట్‌ అధికార ప్రతినిధి నెడ్‌ ప్రైస్‌ పేరిట విడుదలైంది. ప్రజాస్వామ్యబద్దంగా ఎన్నికైన 2015 నేషనల్‌ అసెంబ్లీని వెనిజులా చివరి ప్రజాస్వామ్య ప్రభుత్వంగా అమెరికా పరిగణిస్తుందని తన ప్రకటనలో నెడ్‌ ప్రైస్‌ పేర్కొన్నారు. ఇదే సమయంలో వెనిజులా తాత్కాలిక అధ్యక్షుడిగా ప్రతిపక్ష నేత జువాన్‌ గైడోను అమెరికా గుర్తించడం విశేషం.

2024 ఎన్నికలపై దృష్టిపెట్టిన అమెరికా.. మెక్సికోలో నికోలస్‌ మదురోతో చర్చలకు సిద్ధమని తెలిపింది. ఎన్నికల క్యాలెండర్‌ను జారీ చేయడం, ఎన్నికల రిజిస్ట్రీని ఆధునీకరించడం, అంతర్జాతీయ ఎన్నికల పరిశీలన మిషన్‌లను అనుమతించడం వంటి అంశాలను మెక్సికో వేదికపై చర్చించనున్నట్లు అమెరికా పేర్కొన్నది.

అంతర్జాతీయ కట్టుబాట్లకు అనుగుణంగా భవిష్యత్‌ ఎన్నికల ప్రక్రియలను మెరుగుపర్చడం లక్ష్యంగా పెట్టుకున్నట్లు నెడ్‌ ప్రైస్‌ తన ప్రకటనలో తెలిపారు. రాజకీయ పార్టీల స్వేచ్ఛ, భావవ్యక్తీకరణ స్వేచ్ఛ, అన్యాయంగా నిర్బంధించిన వారిని విడుదల చేసేందుకు వెనిజులా, అంతర్జాతీయ సంస్థలతో అమెరికా కలిసి పనిచేస్తుందని నెడ్‌ ప్రైస్‌ వెల్లడించారు. ఇప్పటికైనా మానవ హక్కుల ఉల్లంఘనకు స్వస్తి పలకాలని ఆయన తన ప్రకటనలో హితవు పలికారు.