Visit:
వాషింగ్ట‌న్‌: సుదీర్ఘ దూరం ప్ర‌యాణించే అత్యాధునిక రాకెట్ వ్య‌వ‌స్థ‌ల‌ను ఉక్రెయిన్‌కు ఇవ్వ‌డానికి అమెరికా అధ్య‌క్షుడు జో బైడెన్ అంగీక‌రించారు. ర‌ష్యా టార్గెట్ల‌ను చేధించేందుకు ఉక్రెయిన్‌కు లాంగ్ రేంజ్ అడ్వాన్స్‌డ్ రాకెట్ సిస్ట‌మ్స్‌ను ఇస్తున్న‌ట్లు బైడెన్ తెలిపారు. సుమారు 700 మిలియ‌న్ల డాల‌ర్ల ఖ‌రీదైన ఆయుధ ప్యాకేజీకి అమెరికా ఓకే చెప్పింది. దానిలో భాగంగా ఈ అడ్వాన్స్‌డ్ రాకెట్ల‌ను ఇవ్వ‌నున్నారు. సుమారు 80 కిలోమీట‌ర్ల దూరంలో ఉన్న టార్గెట్ల‌ను ఈ రాకెట్ల అత్యంత క‌చ్చిత‌త్వంతో చేధించ‌గ‌ల‌వు. అయితే ర‌ష్యాపై దాడులు జ‌రిపేందుకు మిస్సైళ్లు వాడ‌బోమ‌ని ఉక్రెయిన్ హామీ ఇచ్చిన నేప‌థ్యంలో అమెరికా ఈ ప్ర‌క‌ట‌న చేసింది. న్యూయార్క్ టైమ్స్‌కు ఇచ్చిన ఇంట‌ర్వ్యూలో ఉక్రెయిన్‌పై ర‌ష్యా ఆక్ర‌మ‌ణ అంశం దౌత్యంతో ప‌రిష్కారం అవుతుంద‌ని, కానీ ఉక్రెయిన్‌కు అత్యాధునిక ఆయుధాల‌ను ఇవ్వాల్సిన అవ‌స‌రం ఉంద‌ని బైడెన్ అన్నారు.
