న్యూయార్క్ గవర్నర్ అభ్యర్థిగా రిపబ్లికన్ పార్టీ తరఫున బరిలోకి దిగిన అమెరికా కాంగ్రెస్ సభ్యుడు లీ జెల్డిన్పై ఓ దుండగుడు కత్తితో దాడికి యత్నించాడు. గురువారం ఆయన ఎన్నికల ప్రచారంలో ఉండగా ఈ ఘటన జరిగింది. ఆ దుండగుడిని పోలీసులు అరెస్ట్ చేసి, హత్యాయత్నం కింద కేసు నమోదు చేశారు. ఇందుకు సంబంధించిన వీడియో సోషల్ మీడియాలో వైరల్ అవుతోంది.
ఈ వీడియోను నిక్ రేజ్మన్ అనే పాత్రికేయుడు ట్విటర్లో షేర్ చేశారు. ప్రస్తుత డెమోక్రటిక్ గవర్నర్ కాథీ హోచుల్ను సవాలు చేస్తున్న రిపబ్లికన్ పార్టీ సభ్యుడు జెల్డిన్.. రోచెస్టర్ వెలుపల పెరింటన్ పట్టణంలోని వెటరన్స్ ఆఫ్ ఫారిన్ వార్స్ పోస్ట్ను ఉద్దేశించి ప్రసంగిస్తున్నప్పుడు ఈ సంఘటన జరిగింది. జెల్డిన్ మాట్లాడుతుండగా..దుండగుడు ఒక్కసారిగా స్టేజిపైకి ఎక్కాడు. చేతిలో ఉన్న బ్లేడ్తో దాడికి యత్నించాడు. స్టేజీ కిందనున్నవారంతా పైకి ఎక్కి అతడిని లాగగా, అందరూ కిందపడిపోయారు. పోలీసులు రంగప్రవేశం చేసి, దుండగుడిని అదుపులోకి తీసుకున్నారు.
Here is video of the attack involving Rep. Zeldin from witness Cody Crippen pic.twitter.com/Ur1CfpkdsS
— Nick Reisman (@NickReisman) July 22, 2022