అమెరికా అమ్ములపొదిలోకి డిజిటల్‌ బాంబర్‌

అత్యాధునిక మిలిటరీ విమానం బీ-21 రైడర్‌ను అమెరికా వాయు సేన ప్రవేశపెట్టనున్నది. శుక్రవారం వాయుసేనలోకి చేరనున్న ఈ ఎయిర్‌క్రాఫ్ట్‌ ప్రపంచంలోనే అత్యాధునికమైనదని అమెరికా తెలిపింది.

న్యూయార్క్‌, డిసెంబర్‌ 1: అత్యాధునిక మిలిటరీ విమానం బీ-21 రైడర్‌ను అమెరికా వాయు సేన ప్రవేశపెట్టనున్నది. శుక్రవారం వాయుసేనలోకి చేరనున్న ఈ ఎయిర్‌క్రాఫ్ట్‌ ప్రపంచంలోనే అత్యాధునికమైనదని అమెరికా తెలిపింది. బీ-1, బీ-2 విమానాల స్థానంలో వీటిని ప్రవేశపెడతామని వెల్లడించింది. అమెరికా డిఫెన్స్‌ అభివృద్ధి చేసిన ఈ విమానం ఒక్కోదాని ఖర్చు రూ.16 వేల కోట్లు.

ప్రత్యేకతలు:

• న్యూక్లియర్‌ మిషన్లలోనూ ఈ యుద్ధ విమానం పనిచేయగలదు.
• ప్రపంచంలోనే తొలి 6వ జనరేషన్‌ ఎయిర్‌క్రాఫ్ట్‌ ఇది.
• దీన్ని రాడార్లు గుర్తించలేవు.
• ఈ విమానం దాడి చేస్తున్నదని శత్రు దేశ డిఫెన్స్‌ వ్యవస్థలు తెలుసుకొనేలోపే లక్ష్యాన్ని ఛేదిస్తుంది.
• అజైల్‌ సాఫ్ట్‌వేర్‌ను ఉపయోగించి క్లౌడ్‌ కంప్యూటింగ్‌, అడ్వాన్స్‌డ్‌ ఇంటిగ్రేషన్‌ ఆఫ్‌డాటాతో బీ-21 ను అభివృద్ధి చేశారు. అందుకే డిజిటల్‌ బాంబర్‌ అని పేరు పెట్టారు.