Watch: విమానం నుంచి రాలిపడిన నిప్పు రవ్వలు… తర్వాత ఏం జరిగిందంటే!

విమానంలో సాంకేతిక సమస్య వల్ల నిప్పు రవ్వలు రాలి పడినట్లు తెలుస్తున్నది. దీంతో యునైటెడ్ ఎయిర్‌లైన్స్‌ సంస్థ దీనిపై దర్యాప్తు చేపట్టింది.

వాషింగ్టన్‌: గాల్లో ఎగురుతున్న విమానం నుంచి నిప్పు రవ్వలు రాలిపడ్డాయి. దీనిని చూసిన వారు తెగ భయపడ్డారు. అమెరికాలో ఈ సంఘటన జరిగింది. యునైటెడ్ ఎయిర్‌లైన్స్‌కు చెందిన బోయింగ్ 777-200 విమానం న్యూయార్క్‌లోని నెవార్క్ నుంచి బ్రెజిల్‌లోని సావో పాలోకు బుధవారం టేకాఫ్‌ అయ్యింది. అయితే నెవార్క్ విమానాశ్రయం నుంచి పైకి ఎగిరిన వెంటనే ఆ విమానం నుంచి భారీగా నిప్పు రవ్వలు బయటకు వచ్చాయి. దీంతో పైలట్లు వెంటనే అప్రమత్తమయ్యారు. అట్లాంటిక్ మహాసముద్రం పైన హోల్డింగ్ ప్యాటర్న్‌లో విమానాన్ని ఉంచారు. సుమారు గంటన్నర తర్వాత ఆ విమానం నెవార్క్‌కు తిరిగి వచ్చింది. ఆ విమానాశ్రయంలో సురక్షితంగా ల్యాండ్ అయింది.

కాగా, విమానంలో సాంకేతిక సమస్య వల్ల నిప్పు రవ్వలు రాలి పడినట్లు తెలుస్తున్నది. దీంతో యునైటెడ్ ఎయిర్‌లైన్స్‌ సంస్థ దీనిపై దర్యాప్తు చేపట్టింది. మరోవైపు ఈ వీడియో సోషల్‌ మీడియాలో వైరల్‌ అయ్యింది. నెటిజన్లు భిన్నంగా స్పందించారు. పాత విమానాలను ఇంకా కొనసాగిస్తుండటంపై కొందరు విమర్శించారు.

#UA149, a #United 777 experiences troubles upon its departure from #Newark Airport.

Video credit: IG | variablecraft

Read more: https://t.co/08mXl4AnEj pic.twitter.com/SEoicHPIqY

— AeroXplorer (@aeroxplorer) September 22, 2022