Prigozhin: ప్రిగోజిన్ ప్ర‌యాణించిన విమానం ఇలా కూలింది.. వీడియోలు

Prigozhin killed: ర‌ష్యా తిరుగుబాటు నేత ప్రిగోజిన్ విమాన ప్రమాదంలో మ‌ర‌ణించాడు. అయితే ఆ విమాన ఘ‌ట‌న‌కు చెందిన కొన్ని వీడియోలు వైర‌ల్ అవుతున్నాయి. గింగిరాలు తిరుగుతూ ఆ విమానం నేల‌కూలింది. ఆ త‌ర్వాత భారీ మంట‌లు వ్యాపించాయి. ఈ ఘ‌ట‌న‌కు చెందిన వీడియోలు ఇప్పుడు ఆన్‌లైన్‌లో ద‌ర్శ‌నం ఇస్తున్నాయి.

మాస్కో: రష్యా ప్రైవేటు సైన్యం వాగ్న‌ర్ మిలిట‌రీ కంపెనీకి చెందిన చీఫ్ ఎవ‌జెనీ ప్రిగోజిన్(Prigozhin) ప్రయాణిస్తున్న నేల‌కూలిన విష‌యం తెలిసిందే. ఆ ప్ర‌మాదంలో ప్రిగోజిన్‌తో పాటు మ‌రో 9 మంది కూడా ప్రాణాలు కోల్పోయారు. ర‌ష్యాలోని తేవ‌ర్ ప్రాంతంలో ఆ విమానం కూలింది. మాస్కో నుంచి సెయింట్ పీట‌ర్స్‌బ‌ర్గ్ ప్ర‌యాణిస్తున్న స‌మ‌యంలో ఈ ఘ‌ట‌న చోటుచేసుకున్న‌ది. కేవ‌లం 30 సెక‌న్ల‌లో ఆ విమానం 8 వేల ఫీట్ల కింద‌కు ప‌డిపోయింది. ఆ విమానంలో ముగ్గురు సిబ్బంది, ఏడు మంది ప్యాసింజెర్లు ఉన్నారు. అంద‌రూ మృతిచెందిన‌ట్లు టాస్ ఏజెన్సీ తెలిపింది.

https://twitter.com/MattWallace888/status/1694406263776440712?s=20

తేవ‌ర్ ప్రాంతంలో ఉన్న కుజెంకినో గ్రామం వ‌ద్ద ప్లేన్ శిథిలాలు క‌నిపించాయి. చెల్లాచెదురుగా ఆ విమాన ప్ర‌యాణికులు శ‌రీర భాగాలు ప‌డి ఉన్నాయి. ఎంబ్రేయ‌ర్ లీగ‌సీ 600 విమానంగా దాన్ని గుర్తించారు. ఆ విమానం తోక భాగంలో ఆర్ఏ-02795 అని రాసింది. దాన్ని బ‌ట్టి ఆ విమానం ప్రిగోజిన్‌కు చెంది ఉంటుంద‌ని భావిస్తున్నారు. కానీ అధికారులు మాత్రం ఇంకా ద్రువీక‌రించ‌లేదు.

BREAKING: Wagner Leader Yevgeny Prigozhin, who launched an attempted coup against Putin in June, has been killed in a plane crash.
Russia isn’t playing games 🔥#Wagner #WagnerGroup

pic.twitter.com/Es1EZLjz6t

— Ashlea Simon (@AshleaSimonAFE) August 23, 2023

ప్ర‌యాణికుల జాబితాలో ప్రిగోజిన్ పేరు ఉన్న‌ట్లు తెలిసింది. అయితే ఇప్ప‌టి వ‌ర‌కు 8 మంది మృతదేహాల‌ను వెలికితీశారు. ప్ర‌స్తుతం విమానం కూలిన ఘ‌ట‌న‌కు చెందిన కొన్ని వీడియోలు వైర‌ల్ అవుతున్నాయి. నేల‌పై ఉన్న కొంద‌రు ఆ వీడియోల‌ను చిత్రీక‌రించారు. ర‌ష్యా ప్ర‌భుత్వానికి చెందిన మిస్సైల్ ఆ విమానాన్ని కూల్చి ఉంటుంద‌ని కొంద‌రు భావిస్తున్నారు. కొంద‌రేమో ఆ విమాన పైలెట్ ఆత్మాహుతికి పాల్ప‌డి ఉంటార‌ని అంచ‌నా వేస్తున్నారు.

https://twitter.com/Ahianyo_Peter/status/1694420376476909625?s=20

ఇటీవ‌ల పుతిన్‌కు వ్య‌తిరేకంగా ప్రిగోజిన్ తిరుగుబాటు ప్ర‌క‌టించిన విష‌యం తెలిసిందే. అయితే పుతిన్ వార్నింగ్‌తో ప్రిగోజిన్ వెన‌క్కి త‌గ్గారు. ఉక్రెయిన్‌తో సాగుతున్న యుద్ధంలో త‌మ ద‌ళానికి ఆయుధాల‌ను ఇవ్వ‌డంలో ర‌ష్యా మిలిట‌రీ స‌హ‌క‌రించ‌డంలేద‌ని ప్రిగోజిన్ ఆరోప‌ణ‌లు చేసిన విష‌యం తెలిసిందే.

https://twitter.com/officejjsmart/status/1694401250240905297?s=20