వాషింగ్టన్: ముఖానికి ముసుగు ధరించిన వ్యక్తి దారుణానికి పాల్పడ్డాడు. బెల్ట్ను మహిళ మెడకు బిగించి లాగడంతో ఆమె కింద పడింది. ఆ మహిళను కార్ల మధ్యకు ఈడ్చుకెళ్లిన అతడు ఆమెపై అత్యాచారానికి పాల్పడ్డాడు. ఆ ప్రాంతంలోని సీసీటీవీలో రికార్డైన ఈ వీడియో క్లిప్ సోషల్ మీడియాలో వైరల్ అయ్యింది. (Man Chokes and Rapes US Woman) అమెరికాలోని న్యూయార్క్లో ఈ సంఘటన జరిగింది. మే 1న తెల్లవారుజామున 3 గంటలకు బ్రాంక్స్ పరిసరాల్లో 45 ఏళ్ల మహిళ నడుస్తూ ఇంటికి వెళ్తున్నది. ముఖానికి ముసుగు ధరించిన ఒక వ్యక్తి ఆమెతో మాట్లాడేందుకు ప్రయత్నించాడు. అనంతరం వెనుక నుంచి ఆ మహిళ మెడకు బెల్ట్ బిగించి లాగాడు. దీంతో ఆ మహిళ నేలపై పడింది.
కాగా, మెడకు బెల్ట్ బిగుసుకుని కిందపడి ఊపిరి ఆడని ఆ మహిళను ఆ వ్యక్తి కొన్ని అడుగుల దూరం ఈడ్చుకెళ్లాడు. రెండు కార్ల మధ్యకు ఆమెను లాక్కెళ్లాడు. అచేతనంగా పడి ఉన్న ఆ మహిళపై అత్యాచారానికి పాల్పడ్డాడు. అనంతరం అక్కడి నుంచి పారిపోయాడు.
మరోవైపు బాధిత మహిళను పోలీసులు ఆసుపత్రికి తరలించారు. ఆ ప్రాంతంలోని సీసీటీవీ ఫుటేజ్ను పరిశీలించారు. నిందితుడ్ని గుర్తించి అరెస్ట్ చేసేందుకు ప్రయత్నిస్తున్నారు. కాగా, సీసీటీవీలో రికార్డైన వీడియో క్లిప్ సోషల్ మీడియాలో వైరల్ అయ్యింది.
New York City. This looks like it came straight out of a movie. Horrible. pic.twitter.com/b2GS9CWWst
— Ian Miles Cheong (@stillgray) May 9, 2024