నువ్వు కిరాయి జర్న‌లిస్టువి అంటూ పాక్ మంత్రి ఫైర్‌.. నువ్వు అడ్డ‌గాడిద‌వి అంటూ జ‌ర్న‌లిస్టు కౌంట‌ర్

పాకిస్తాన్ ప్ర‌సార శాఖా మంత్రి ఫ‌వాద్ చౌధ‌రీ ఓ పాత్రికేయుడిపై తీవ్ర ఆగ్ర‌హం వ్య‌క్తం చేస్తూ.. తీవ్ర వ్యాఖ్య‌లు చేశారు. అంతేకాకుండా దుర్భాష‌లాడారు. ఇప్పుడు ఈ వీడియో సోష‌ల్ మీడియాలో తెగ వైర‌ల్ అవుతోంది. మీరంతా కిరాయికి వ‌చ్చిన వాళ్లు అని మంత్రి పాత్రికేయుడిపై నోరు పారేసుకున్నారు. ఇక ఆ పాత్రికేయుడు కూడా అంతే స్థాయిలో కౌంట‌ర్ ఇచ్చారు. మీరు కిరాయికి తెచ్చుకున్న అడ్డ గాడిద‌లు అంటూ మంత్రికే కౌంట‌ర్ ఇచ్చేశారు. దీంతో అక్క‌డ కాసేపు గంభీర వాతావ‌ర‌ణం నెల‌కొంది.

పాక్ ప్ర‌భుత్వాన్ని ర‌ద్దు చేయ‌డంపై సుప్రీంలో వాద‌న‌లు జ‌రుగుతున్నాయి. ఈ సంద‌ర్భంగా పాక్ స‌మాచార మంత్రి ఫ‌వాద్ చౌద‌రి బ‌య‌ట విలేక‌రుల స‌మావేశం ఏర్పాటు చేశారు. ఈ సంద‌ర్భంగా మ‌తి ఉల్లాహ్ జాన్ అనే పాత్రికేయుడు మంత్రిని ఓ ప్ర‌శ్న అడిగాడు. ఇమ్రాన్ సర్కార్‌ను కూల‌దోయ‌డానికి ఎలాంటి కుట్ర జ‌ర‌గ‌లేదట‌.. దీనిపై మీరేమంటారు? అని ప‌దే ప‌దే అడ‌గడం ప్రారంభించారు. అంతేకాకుండా ఈ ప్ర‌శ్న‌కు సమాధానం చెప్ప‌కుండా ఎందుకు దాట‌వేస్తున్నారు? అంటూ పాత్రికేయుడు ప్ర‌శ్నించడంతో పాక్ మంత్రి పై విధంగా ఆయ‌న‌పై దుర్భాష‌లాడారు.

https://twitter.com/FactCheckAsia/status/1511597894809403392?ref_src=twsrc%5Etfw%7Ctwcamp%5Etweetembed%7Ctwterm%5E1511597894809403392%7Ctwgr%5E%7Ctwcon%5Es1_c10&ref_url=https%3A%2F%2Fwww.livehindustan.com%2Finternational%2Fstory-pakistan-journalist-matiullah-jan-said-minister-fawad-chaudhary-ikraye-ka-tattoo-6197247.html