స్వర్ణ దేవాలయంపై దాడికి పాక్‌ కుట్ర!

భారత్‌ ఇటీవల పాక్‌లోని తొమ్మది ఉగ్ర స్థావరాలపై దాడి చేసినప్పుడు దాయాది దేశం అమృత్‌సర్‌లోని స్వర్ణ దేవాలయంపై దాడి చేయడాన్ని లక్ష్యంగా పెట్టుకుందని జనరల్‌ ఆఫీసర్‌ కమాండింగ్‌ (జీవోసీ) మేజర్‌ జనరల్‌ కార్తిక్‌ సి శేషాద్రి సోమవారం వెల్లడించారు.

అమృత్‌సర్‌ : భారత్‌ ఇటీవల పాక్‌లోని తొమ్మది ఉగ్ర స్థావరాలపై దాడి చేసినప్పుడు దాయాది దేశం అమృత్‌సర్‌లోని స్వర్ణ దేవాలయంపై దాడి చేయడాన్ని లక్ష్యంగా పెట్టుకుందని జనరల్‌ ఆఫీసర్‌ కమాండింగ్‌ (జీవోసీ) మేజర్‌ జనరల్‌ కార్తిక్‌ సి శేషాద్రి సోమవారం వెల్లడించారు. అయితే ఈ విషయాన్ని తమ సైనికులు ముందుగానే అంచనా వేసి పాక్‌ డ్రోన్లు, క్షిపణులను కూల్చేశారని ఆయన తెలిపారు.

ఆకాశ్‌ మిస్సైల్‌ వ్యవస్థ, ఎల్‌-70 వాయు రక్షణ తుపాకుల వంటి అత్యాధునిక వైమానిక రక్షణ వ్యవస్థలను స్వర్ణ దేవాలయానికి రక్షణ కవచంగా మోహరించామని తెలిపారు.