మామూలుగా ఏ చేప అయినా ఎంత బరువు ఉంటుంది. పెద్ద పెద్ద షార్క్లు, తిమింగళాలు అంటే వందలు, వేల కిలోల బరువు ఉంటాయి కానీ.. మామూలు చేపలు అంత బరువు ఉండవు కదా. మత్స్యకారులు పట్టేది కూడా కిలో, రెండు కిలోల బరువు ఉన్న చేపలనే పడుతుంటారు. వాటిని అమ్ముకొని తమ జీవనం సాగిస్తుంటారు.
మరి వలలో అతి పెద్ద చేప పడితే ఎలా? ఏకంగా వందల కిలోల బరువు ఉన్న చేప పడితే పరిస్థితి ఏంటి. తాజాగా అటువంటి ఘటనే ఒకటి కెనడాలో చోటు చేసుకుంది. యెవ్స్ బిస్సాన్ అనే ఓ ఫిషింగ్ గైడ్కు అతి పెద్ద స్టర్జియన్ చేప(Sturgeon Fish) వలలో చిక్కింది. బ్రిటిష్ కొలంబియాలోని ఓ నదిలో ఈ అరుదైన చేప చిక్కింది. నిజానికి.. ఇది అంతరించిపోతున్న జాతికి చెందిన చేప. అందులోనూ ఇది 250 కిలోల బరువు ఉంది. తన వలలో చిక్కాక.. దాన్ని పట్టుకొని మళ్లీ నదిలోకి అతడు వదిలేస్తూ వీడియో తీసి సోషల్ మీడియాలో పోస్ట్ చేశాడు. దీంతో ఆ వీడియో సోషల్ మీడియాలో వైరల్ అవుతోంది.
250 kg sturgeon caught in Canada
The giant was captured in British Columbia, measured, RFID-tagged, and released. According to experts, the fish is over 100 years old pic.twitter.com/S8JrANxMM9
— rajiv (@rajbindas86) March 18, 2022
దాదాపు పదిన్నర అడుగులు ఉన్న ఆ చేప వయసు 100 ఏళ్ల కంటే ఎక్కువ ఉంటుందట. అంటే వందేళ్ల నాటి చేప అన్నమాట. ఈ జాతి చేపలు వేల ఏళ్ల నాటి నుంచి ఉన్నాయట. అందుకే వీటిని లివింగ్ డైనోసర్స్ అంటారు. ఎందుకంటే.. డైనోసర్లు ఈ భూమ్మీద నివసించిన సమయం నుంచి ఈ చేపలు ఉన్నాయని.. గత 20 ఏళ్లలో 22000 స్టర్జియన్ చేపలు కనిపించాయని వరల్డ్ వైల్డ్లైఫ్ ఫండ్ తెలిపింది. అయితే.. ఈ చేపలకు ఉన్న డిమాండ్ దృష్ట్యా కొందరు వీటిని అక్రమంగా వేటాడి ఇతర దేశాలకు తరలిస్తున్నట్టుగా అనుమానాలున్నాయి. అత్యంత అరుదుగా కనిపించే ఈ చేపలు.. భవిష్యత్తులో అంతరించిపోయే ప్రమాదం ఎక్కువుందని నిపుణులు హెచ్చరిస్తున్నారు. అందుకే.. ఈ చేపను పట్టుకున్న బిస్సాన్ కూడా దానికి ఎలక్ట్రానిక్ ట్యాగ్ను జతచేసి.. నదిలోకి వదిలేశాడు. ఆ ట్యాగ్ ద్వారా ఆ జాతి చేపల గురించి మరింత లోతుగా అధ్యయనం చేసే వీలు ఉంటుందని ఆయన తెలిపాడు.