Visit:
న్యూయార్క్ : ప‌వ‌ర్‌పాయింట్ ప్రెజెంటేష‌న్ స‌హ సృష్టిక‌ర్త డెన్నిస్ అస్టిన్ (76) (Dennis Austin) కాలిఫోర్నియాలో మ‌ర‌ణించారని ఆయన కుమారుడు మైఖేల్ అస్టిన్ వెల్ల‌డించారు. అస్టిన్ గ‌త కొంత‌కాలంగా ఊపిరితిత్తుల క్యాన్స‌ర్‌తో బాధ‌ప‌డుతున్నారు.ఎంఐటీలో ఇంజ‌నీరింగ్ పూర్తిచేసిన అస్టిన్ ఫోర్‌థాట్‌లో సాఫ్ట్‌వేర్ డెవలపర్గా ప‌నిచేశారు.
టెక్నాల‌జీ రంగంలో విశేష సేవ‌లందించిన అస్టిన్ ప‌వ‌ర్‌పాయిట్ కో డెవలపర్గా గుర్తింపు పొందారు. ఆపై ఫోర్‌థాట్‌ను మైక్రోసాఫ్ట్ కొనుగోలు చేసింది. ఇక 1985 నుంచి 1996లో రిటైర‌య్యే వ‌ర‌కూ ప‌వ‌ర్‌పాయింట్ ప్రైమ‌రీ డెవలపర్గా అస్టిన్ సేవ‌లందించారు. 1993 నాటికి ప‌వ‌ర్‌పాయింట్ సేల్స్ ఏకంగా ప‌ది కోట్ల సేల్స్ న‌మోదు చేసింది. ఫోర్‌థాట్‌కు చెందిన రాబ‌ర్ట్ గ‌స్కిన్స్‌తో క‌లిసి అస్టిన్ ప‌వ‌ర్‌పాయింట్‌పై ప‌నిచేశారు.
సాఫ్ట్‌వేర్ ఇంజ‌నీర్‌గా అస్టిన్ ప‌వ‌ర్‌పాయింట్‌ను సుల‌భంగా నిర్వ‌హించేలా స‌ర‌ళ‌త‌రం చేశాడు. కేవ‌లం స్లైడ్స్ కాకుండా ప్రెజెంటేష‌న్స్‌ను ప‌క‌డ్బందీగా ఇచ్చేలా ప‌వ‌ర్‌పాయింట్ ప్రెజేంటేష‌న్‌ను అస్టిన్ డెవ‌ల‌ప్ చేశారు. డెన్నిస్ అస్టిన్ ప‌వ‌ర్‌పాయింట్‌ను డిజైన్ చేయ‌కుంటే దాని గురించి ఏ ఒక్క‌రూ వినిఉండేవారు కాద‌ని త‌న పుస్త‌కంలో గ‌స్కిన్స్ రాసుకొచ్చారు. ప‌వ‌ర్‌పాయింట్‌పై ప్ర‌తిరోజూ 5 కోట్ల ప్రెజంటేష‌న్స్ క్రియేట్ అవుతున్నాయి. కార్పొరేట్ ఎగ్జిక్యూటివ్‌లు, బిజినెస్ స్కూల్స్‌, ప్రొఫెస‌ర్లు, మిలట‌రీ జ‌న‌ర‌ల్స్ ఈ సాఫ్ట్‌వేర్‌ను వాడుతున్నారు.
Read More :
G-20 | రాజ్‌ఘాట్‌లో మహాత్మా గాంధీకి నివాళులర్పించిన జీ-20 దేశాల నేతలు
