చైనా మంత్రి అదృశ్యం.. పదవి నుంచి తొలగింపు

నెల రోజులుగా ప్రజలకు కనిపించని చైనా విదేశాంగ మంత్రి కిన్‌ గాంగ్‌ను ఆ దేశాధ్యక్షుడు జీ జిన్‌పింగ్‌ మంగళవారం పదవి నుంచి తొలగించారు. ఆయన స్థానంలో వాంగ్‌ ఇని నియమించారు.

బీజింగ్‌, జూలై 25: నెల రోజులుగా ప్రజలకు కనిపించని చైనా విదేశాంగ మంత్రి కిన్‌ గాంగ్‌ను ఆ దేశాధ్యక్షుడు జీ జిన్‌పింగ్‌ మంగళవారం పదవి నుంచి తొలగించారు. ఆయన స్థానంలో వాంగ్‌ ఇని నియమించారు. ఇటీవల వరకు కిన్‌ గాంగ్‌ దేశాధ్యక్షుడికి నమ్మకస్థుడిగా ఉన్నారు. కానీ రష్యా డిప్యూటీ విదేశాంగ మంత్రి అండ్రీ రుడెంకోతో సమావేశమైన తర్వాత గత నెల 25 నుంచి ఆయన ప్రజలకు కనిపించకుండా పోయారు.

ఇటీవల కొన్ని దేశాలతో జరిగిన ద్వైపాక్షిక చర్చలకు ఆరోగ్య కారణాలను సాకుగా చూపి కిన్‌ గాంగ్‌ హాజరు కాలేదు. అమెరికాతో సత్సంబంధాలపై ఆయన ప్రయత్నిస్తున్నట్టు ఆరోపణలు వచ్చాయి. ఒక అమెరికన్‌ మహిళా జర్నలిస్ట్‌ ద్వారా ఆయనకు ఒక కొడుకు పుట్టారని, ఆయనను పదవి నుంచి తొలగించారని, ఆయనపై అధికారిక దర్యాప్తు జరుగుతున్నదని ఇటీవల వదంతులు వ్యాపించాయి.