Sunita Williams | మూడోసారి రోదసిలోకి సునీతా విలియమ్స్‌.. బోయింగ్‌ ‘స్టార్‌లైనర్‌’ ద్వారా నేడు నింగిలోకి

భారత సంతతికి చెందిన అమెరికా వ్యోమగామి సునీతా విలియమ్స్‌ ముచ్చటగా మూడోసారి రోదసి యాత్రకు వెళ్లనున్నారు. బోయింగ్‌ సంస్థకు చెందిన ‘స్టార్‌లైనర్‌' వ్యోమనౌకలో ఆమె మరో వ్యోమగామి బచ్‌ విల్మోర్‌తో కలసి అంతరిక్షయానం చేయనున్నారు.

Sunita Williams | వాషింగ్టన్‌, మే 6: భారత సంతతికి చెందిన అమెరికా వ్యోమగామి సునీతా విలియమ్స్‌ ముచ్చటగా మూడోసారి రోదసి యాత్రకు వెళ్లనున్నారు. బోయింగ్‌ సంస్థకు చెందిన ‘స్టార్‌లైనర్‌’ వ్యోమనౌకలో ఆమె మరో వ్యోమగామి బచ్‌ విల్మోర్‌తో కలసి అంతరిక్షయానం చేయనున్నారు. భారత కాలమానం ప్రకారం మంగళవారం ఉదయం 8 గంటల 4 నిమిషాలకు ఫ్లోరిడాలోని కేప్‌ కెనవరాల్‌ లాంచింగ్‌ స్టేషన్‌ నుంచి ఈ వ్యోమనౌక నింగిలోకి దూసుకెళ్లనున్నది.

ఇందులో మిషన్‌ పైలట్‌గా వ్యవహరించనున్న సునీతా విలియమ్స్‌ (58).. అంర్జాతీయ అంతరిక్ష కేంద్రానికి చేరుకుని అక్కడ వారం రోజులపాటు గడపనున్నారు. ఈ రోదసి యాత్రకు తాము సిద్ధంగా ఉన్నామని, మూడోసారి అంతరిక్షయాత్రలో పాల్గొనడం సంతోషంగా ఉన్నదని సునీతా విలియమ్స్‌ తెలిపారు. ఈ యాత్ర విజయవంతమైతే అంతర్జాతీయ అంతరిక్ష కేంద్రానికి సిబ్బందిని తీసుకెళ్లి, తీసుకొచ్చిన రెండవ ప్రైవేట్‌ సంస్థగా బోయింగ్‌ ఆవిర్భవిస్తుంది.