Cyclone Biparjoy: బిప‌ర్‌జాయ్ ఫోటోలు షేర్ చేసిన ఆస్ట్రోనాట్‌

Cyclone Biparjoy: స్పేస్ స్టేష‌న్ నుంచి బిప‌ర్‌జాయ్ తుఫాన్ ఫోటోల‌ను తీశాడు ఆస్ట్రోనాట్ సుల్తాన్ అల్ నెయది. ఆ ఫోటోల‌ను ఆయ‌న త‌న ట్విట్ట‌ర్‌లో షేర్ చేశాడు. మ‌రో వైపు తుఫాన్ వ‌ల్ల గుజ‌రాత్ తీరం అల్ల‌క‌ల్లోలంగా మారింది. ఇప్ప‌టికే 74 వేల మందిని సుర‌క్షిత ప్రాంతాల‌కు త‌ర‌లించారు.

న్యూఢిల్లీ: బిప‌ర్‌జాయ్ తుఫాన్(Cyclone Biparjoy) ఇవాళ గుజ‌రాత్ తీరం దాట‌నున్న‌ది. ఇప్ప‌టికే 74 వేల మందిని సుర‌క్షిత ప్రాంతాల‌కు త‌ర‌లించారు. అయితే అతి తీవ్ర తుఫాన్‌గా మారిన బిప‌ర్‌జాయ్‌ని అంత‌రిక్ష కేంద్రం నుంచి ఫోటోలు తీశాడు ఓ ఆస్ట్రోనాట్‌. యునైటెడ్ అర‌బ్ ఎమిరేట్స్ కు చెందిన వ్యోమ‌గామి సుల్తాన్ అల్ నెయిది స్పేస్ స్టేష‌న్ నుంచి ఆ ఫోటోల‌ను తీశాడు. త‌న ట్విట్ట‌ర్ అకౌంట్‌లో ఆయ‌న ఆ తుఫాన్ ఫోటోల‌ను అప్‌లోడ్ చేశాడు. అంత‌కుముందు ఆయ‌న త‌న అకౌంట్‌లో బిప‌ర్‌జాయ్ వీడియోను కూడా పోస్టు చేశాడు.

As promised in my previous video 📸 here are some pictures of the cyclone #Biparjoy forming in the Arabian Sea that I clicked over two days from the International Space Station 🌩️ pic.twitter.com/u7GjyfvmB9

— Sultan AlNeyadi (@Astro_Alneyadi) June 14, 2023

గుజ‌రాత్ తీర ప్రాంత జిల్లాలో ఇప్ప‌టికే భారీ వ‌ర్షాలు కురుస్తున్నాయి. జామ్‌న‌గ‌ర్‌లో వ‌ర్షాలతో పాటు బ‌ల‌మైన గాలులు వీస్తున్నాయి. ఆరావ‌లి జిల్లాలోనూ తుఫాన్ ప్ర‌భావం అధికంగా ఉంది. జ‌కావు పోర్టుకు తుఫాన్ సుమారు 180 కిలోమీట‌ర్ల దూరంలో ఉంద‌ని, ఇవాళ సాయంత్రం అది తీరం దాటే ఛాన్సు ఉన్న‌ట్లు ఐఎండీ చెప్పింది.