Metro | మెట్రో కోసం నార్త్ సిటీ ఎదురుచూపులు..! 30న జరిగే కేబినెట్ మీటింగ్పైనే ఆశ..!
నార్త్ సిటీ మెట్రో విషయంలో డిసెంబర్ 30న జరిగే రాష్ట్ర క్యాబినెట్ సమావేశం కీలకంగా మారింది. ఇప్పటికే ఫేస్-2 మెట్రోకు రూపొందించిన డీపీఆర్ను ఆమోదించి, అనుమతుల కోసం రాష్ట్ర ప్రభుత్వం కేంద్రానికి పంపింది.
- నార్త్ సిటీ మెట్రో కోసం ఎదురుచూపులు
- డిసెంబర్ 30న మంత్రి వర్గ సమావేశం
- క్యాబినెట్ ఎజెండాలో చేర్చకపోతే నార్త్ సిటీ మెట్రో లేనట్లే
- ఒకవేళ సర్కారు ఆమోదిస్తే..కేంద్రానికి రివైజ్ డీపీఆర్
సిటీబ్యూరో, డిసెంబర్ 24 (నమస్తే తెలంగాణ) : నార్త్ సిటీ మెట్రో విషయంలో డిసెంబర్ 30న జరిగే రాష్ట్ర క్యాబినెట్ సమావేశం కీలకంగా మారింది. ఇప్పటికే ఫేస్-2 మెట్రోకు రూపొందించిన డీపీఆర్ను ఆమోదించి, అనుమతుల కోసం రాష్ట్ర ప్రభుత్వం కేంద్రానికి పంపింది. ఇందులో నార్త్ సిటీలోని రెండు ప్రతిపాదిత ఎలివేటెడ్ కారిడార్ ఉన్న ప్యారడైజ్-మేడ్చల్, జేబీఎస్-శామీర్పేట ప్రాజెక్టులకు చోటు కల్పించలేదు. అయితే ప్రభుత్వం మరోసారి ఫేస్-2లో నార్త్ సిటీ మెట్రోపై పునరాలోచన చేస్తున్నది. అయితే ఈ నెలాఖరున జరిగే క్యాబినెట్ సమావేశంలో ఈ అంశానికి ఆమోదం తెలిపితే గానీ, రివైజ్ డీపీఆర్ విడుదలయ్యే అవకాశం లేదని నిపుణులు చెబుతున్నారు. ఈ క్రమంలో మంత్రివర్గ సమావేశంలో మెట్రో విస్తరణలో నార్త్ సిటీ ప్రాంతాలను చేర్చుతారా.. లేదా అనేది తెలియాల్సి ఉంది.
తీరని అన్యాయం చేసేలా..
నగరంలో దాదాపు 76 కిలోమీటర్ల మేర పొడవైన మెట్రో మార్గాన్ని అందుబాటులోకి తీసుకువచ్చేందుకు ఫేస్-2మెట్రో విస్తరణకు ప్రభుత్వం శ్రీకారం చుట్టింది. కానీ ఇందులో గడిచిన కొంత కాలంగా పెండింగ్లో ఉన్న నార్త్ సిటీని పరిగణనలోకి తీసుకోకుండానే ప్రణాళికలకు ఆమోదం తెలిపింది. దీంతో తమ ప్రాంతానికి తీరని అన్యాయం చేసేలా కాంగ్రెస్ ప్రభుత్వం వ్యవహరిస్తున్నదని స్థానికుల నుంచి విమర్శలు వచ్చాయి. ఈ క్రమంలో స్థానికుల ఆందోళనలతో ఇటీవల మెట్రో ఫేస్-2పై ప్రభుత్వం పునరాలోచన చేస్తున్నట్లుగా తెలిసింది. అందులో నార్త్ సిటీని కూడా పరిగణనలోకి తీసుకునే అవకాశం ఉందని సమాచారం బయటకు వచ్చింది. నిజంగా ప్రభుత్వం నార్త్ సిటీ ప్రాంతాలను ఫేస్-2లోనే నిర్మిస్తుందాఅనేది ఇప్పుడు ఆసక్తిగా మారింది.
కీలకంగా క్యాబినెట్ ఎజెండా..
మెట్రో ఫేస్-2లోనే నార్త్ సిటీ ప్రాంతాలైన ప్యారడైజ్-మేడ్చల్, జేబీఎస్ – శామీర్పేట మెట్రో విస్తరణ చేయాలనే ప్రతిపాదనలు ఉన్నాయి. ఈ రెండు అంశాలను క్యాబినెట్ మీటింగ్ ఎజెండాలో చేర్చి ఆమోదం తెలిపినప్పుడే ఆశలు సజీవంగా ఉన్నట్లు. కానీ ప్రభుత్వం ఈ అంశాన్ని అజెండాలో చేర్చకుండా నార్త్ సిటీని ఫేస్-2లోనే నిర్మిస్తామని మౌఖికంగా ప్రకటిస్తే మాత్రం పెద్ద ప్రయోజనం ఉండదని చెబుతున్నారు. ఈ క్రమంలో క్యాబినెట్ ఎజెండాలో నార్త్ సిటీ మెట్రో అంశం ఉండేలా ప్రభుత్వం చొరవ తీసుకోవాల్సి ఉంటుంది. టెక్నికల్గా క్యాబినెట్ ఆమోదిస్తేనే రివైజ్ డీపీఆర్కు ఆస్కారం ఉంటుందని నిపుణులు చెబుతున్నారు. కానీ ప్రభుత్వం క్యాబినెట్లో చర్చించకుండా నార్త్ సిటీ మెట్రోపై ప్రకటన చేస్తే… ఇక ఫేస్-2లో ఆ ప్రాంతాల్లో మెట్రో నిర్మాణం అసాధ్యమేనని చెబుతున్నారు.
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
KTR | వరంగల్ అంటేనే ఒక ఉత్తేజం, ఒక ఉద్వేగం, ఉద్యమం : కేటీఆర్
AP News | అన్నాచెల్లెళ్ల మధ్య ముదురుతున్న వివాదం.. యలహంక ప్యాలెస్కు వైఎస్ షర్మిల..!
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Donald Trump | దేశాధ్యక్షుడినైన నాకంటే ఆమెకు బిడ్డపైనే ప్రేమ ఎక్కువ.. కరోలిన్ లీవిట్ గురించి ట్రంప్ ఆసక్తికర వ్యాఖ్యలు..!
BJP MLA Rekha Patra Critical | బెంగాల్ బీజేపీ ఎమ్మెల్యే రేఖా పాత్ర పరిస్థితి విషమం.. వెంటిలేటర్ సపోర్ట్పై చికిత్స
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

