రూ.300 కోట్ల సర్కారు భూమికి ఎసరు
సుమారు రూ.300 కోట్లకు పైగా విలువైన సర్కారు భూమిని ఆక్రమించేందుకు రాత్రికిరాత్రి అక్రమంగా గుర్తుతెలియని వ్యక్తులు చొరబడి ఫెన్సింగ్ వేస్తుండటంతో రెవెన్యూ అధికారులు అడ్డుకొని కూల్చివేసిన ఘటన గండిపేట రెవెన్యూ పరిధిలో మంగళవారం రాత్రి తీవ్ర కలకలం రేపింది.
- రాత్రిపూట ఫెన్సింగ్ వేస్తున్న కబ్జారాయుళ్లను అడ్డుకున్న గ్రామస్తులు
- కడపకు చెందిన ఓ ఎంపీ పేరును ప్రస్తావిస్తూ బెదిరింపులు
- అది పక్కాగా సర్కారు భూమి : గండిపేట ఉప తాసీల్దార్
సిటీబ్యూరో, అక్టోబర్ 11 (నమస్తే తెలంగాణ) : సుమారు రూ.300 కోట్లకు పైగా విలువైన సర్కారు భూమిని ఆక్రమించేందుకు రాత్రికిరాత్రి అక్రమంగా గుర్తుతెలియని వ్యక్తులు చొరబడి ఫెన్సింగ్ వేస్తుండటంతో రెవెన్యూ అధికారులు అడ్డుకొని కూల్చివేసిన ఘటన గండిపేట రెవెన్యూ పరిధిలో మంగళవారం రాత్రి తీవ్ర కలకలం రేపింది. వివరాల్లోకి వెళితే… రాజేంద్రనగర్ నియోజకవర్గం గండిపేట రెవెన్యూ మండల పరిధిలోని ఖానాపురం గ్రామ సర్వే నంబర్ 65లోని సర్కారు భూమికి సంబంధించిన హక్కులన్నీ తమకే అనుకూలంగా ఉన్నాయంటూ 100 మంది గుర్తు తెలియని వ్యక్తులు రాత్రిపూట అక్రమంగా చొరబడి రేకులతో ఫెన్సింగ్ వేయడం ప్రారంభించారు. విషయం తెలుసుకున్న రెవెన్యూ యంత్రాంగం సకాలంలో స్పందించి ఫెన్సింగ్ను అక్కడ నుంచి తొలగించి ఆక్రమణ దారులను అక్కడ నుంచి ఖానాపూర్ గ్రామస్తుల సహకారంతో తరిమివేశారు. దాదాపు రూ.300 కోట్లకు పైగా విలువ చేసే సర్కారు భూమిని ఆక్రమించుకునేందుకు గత కొన్నాళ్లుగా కొంతమంది వ్యక్తులు యత్నిస్తున్నారంటూ అదే భూమిలో వ్యవసాయం చేసుకుంటూ జీవనం సాగిస్తున్న ఖానాపూర్ గ్రామ దళిత కుటుంబాలకు చెందిన బాధితులు తెలిపారు.
కడప ఎంపీ పేరు చెప్పి..
గత ఏడు దశాబ్దాల నుంచి తమ పూర్వీకులంతా ఇదే భూమిలో జీవనోపాధి కోసం వ్యవసాయం చేసుకుంటూ కుటుంబాలను పోషించారని, ఈ భూమి తమకే కేటాయించాలంటూ గత కొన్నాళ్లుగా ప్రభుత్వానికి విన్నవించామని వారు తెలిపారు. కోట్ల విలువైన ఈ భూమిని ఆక్రమించుకునేందుకు కడపకు చెందిన ఓ ప్రముఖ ఎంపీ పేరును చెప్పి కబ్జా చేసేందుకు వంద మంది వ్యక్తులు రాత్రిపూట అక్రమంగా ఫెన్సింగ్ వేయడంపై స్థానిక పోలీసులకు సైతం ఫిర్యాదు చేశామన్నారు.
పక్కాగా సర్కారు భూమి : ఉప తాసీల్దార్
ఇదే విషయమై రెవెన్యూ ఉప తాసీల్దార్ను ప్రశ్నించగా సర్వే నంబరు 65 రెవెన్యూ రికార్డులలో పక్కాగా సర్కారు భూమిగా నమోదై ఉందన్నారు. ఈ భూమిని ఇప్పటి వరకు ప్రైవేటు వ్యక్తులెవరికీ సర్కారు కేటాయించలేదని తెలిపారు. కానీ అక్రమంగా కొంతమంది వ్యక్తులు ప్రభుత్వ భూమిని ఆక్రమించేందుకు యత్నించగా తమ సిబ్బంది అడ్డుకొని ఫెన్సింగ్లను కూల్చివేసినట్లు తెలిపారు. నిజంగా సదరు వ్యక్తుల వద్ద ఏవైనా కేటాయించిన పత్రాలు ఉంటే తాసీల్దార్ కార్యాలయానికి వచ్చి చూపాలని కోరారు. అక్రమంగా రాత్రిపూట ఫెన్సింగ్ వేయడం సరికాదని, మరోసారి పునరావృతమైతే చట్టపరమైన చర్యలు తీసుకుంటామని హెచ్చరించారు.
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
రైల్వే అధికారులకు వినతిపత్రం అందజేస్తున్న ఎమ్మెల్యే మర్రి రాజశేఖర్రెడ్డి
Health tips | లావుపొట్టను ఇట్టే తగ్గించే ఈ డ్రింక్ గురించి మీకు తెలుసా..?
Cancer | మధుమేహం ఉన్నవారికి 21 రకాల క్యాన్సర్ల ముప్పు.. అధ్యయనంలో వెల్లడి..
Bandla Ganesh | చెక్ బౌన్స్ కేసు.. నిర్మాత బండ్ల గణేష్కు ఏడాది జైలుశిక్ష.. రూ.95 లక్షల జరిమానా..!
Acidity | ఎసిడిటీ, అజీర్తి సమస్యలు తరచూ వస్తున్నాయా..? అయితే అందుకు కారణాలు ఇవే..!
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

