Visit:
Traffic Restrictions | హైద‌రాబాద్ : సింహ వాహిని మహంకాళి లాల్ దర్వాజ బోనాల పండుగ సందర్భంగా పాత నగరంలోని ఫలక్‌నుమా, చార్మినార్, మీర్చౌక్, బహుదుర్‌పురా ట్రాఫిక్ పోలీస్‌స్టేషన్‌ పరిధిలో 28, 29వ తేదీల్లో ట్రాఫిక్ ఆంక్షలు విధిస్తున్నట్లు నగర ట్రాఫిక్ అదనపు సీపీ విశ్వప్రసాద్‌ తెలిపారు. పాతబస్తీలో ఆదివారం బోనాలు, సోమవారం ఘటాల ఊరేగింపు నిర్వహించనున్నారు. సోమవారం ఉదయం 11 గంటల నుంచి రాత్రి 11 వరకు ట్రాఫిక్ ఆంక్షలు విధిస్తున్నట్లు అదనపు సీపీ వెల్లడించారు. అక్కన్న మాదన్న ఆలయం నుంచి నయాపూల్‌ వరకు కొనసాగే భారీ ర్యాలీలో ఏనుగుపై ఉరేగింపు ఉంటుందన్నారు. పార్కింగ్ స్థలాల్లోనే వాహనాలను పార్కు చేయాలని సూచించారు.
-లాల్ దర్వాజా నుండి శ్రీ మహాంకాళి లాల్ దర్వాజా టెంపుల్ రోడ్ వైపు వచ్చే వాహనాలకు.. లాల్ దర్వాజ వైపు చాంద్రాయణగుట్ట, కందికల్‌ గేట్‌ ఉప్పుగూడ నుంచి వచ్చే వాహనాలకు అనుమతి లేదు. హిమ్మత్‌పురా, షంషీర్‌గంజ్‌ వైపు నుంచి లాల్ దర్వాజాకు వచ్చే వాహనాలను నాగుల చింత, గౌలిపురా వైపు మళ్లించ‌నున్నారు.
-మహబూబ్ నగర్ క్రాస్ రోడ్స్ నుంచి వచ్చే వాహనాలను ఇంజన్ బౌలి వద్ద జహానుమా, గోశాల, తాడ్ బాన్ లేదా గోశాల మిస్రీగంజ్, ఖిల్వత్ వైపు మళ్లిస్తారు.. ఇంజిన్ బౌలి నుంచి వచ్చే ట్రాఫిక్ షంషీర్ గంజ్ వద్ద మళ్లిస్తారు. పంచ మొహల్లా చార్మినార్ నుండి ట్రాఫిక్ నాగుల్చింత వైపు అనుమతించబడదు.. ఆ వాహనాలను హరిబౌలి, ఓల్గా హోటల్, మిస్రిగంజ్ వైపు మళ్లిస్తారు.
-చాదర్‌ఘాట్ నుండి వచ్చే ట్రాఫిక్‌ను సాలార్‌జంగ్ మ్యూజియం రోడ్డు వైపు అనుమతించరు.. ట్రాఫిక్‌ను SJ రోటరీ వద్ద పురాణి హవేలీ రోడ్, శివాజీ బ్రిడ్జ్, చాదర్‌ఘాట్ వైపు మళ్లిస్తారు. మీర్చౌక్, మొఘల్‌పురా నుండి వచ్చే ట్రాఫిక్‌ను హరిబౌలి వైపు అనుమతించరు. మీర్ కా దైరా వద్ద మొఘల్‌పురా వాటర్ ట్యాంక్ వైపు మళ్లిస్తారు.
-ఖిల్వత్/మూసబౌలి నుండి వచ్చే ట్రాఫిక్ లాడ్ బజార్ వైపు అనుమతించబడదు. మోతిగల్లి టీ జంక్షన్ వద్ద ఖిల్వత్ ప్లే గ్రౌండ్, మూసా బౌలి వైపు మళ్లిస్తారు. ఖిల్వత్ ప్లే గ్రౌండ్ నుండి వచ్చే ట్రాఫిక్ హిమ్మత్‌పురా వైపు అనుమతించబడదు. ఓల్గా జంక్షన్ వద్ద ఫతే దర్వాజా, మిస్రిగంజ్ వైపు మళ్లించబడుతుంది.
-అలియాబాద్ వైపు నుంచి ద్విచక్ర వాహనాలపై వచ్చే భక్తులు తమ బైక్‌లను అల్కా థియేటర్, దేవి ప్లైవుడ్ వద్ద నిలపాల్సి ఉంటుంది.
-హరిబౌలి గౌలిపురా వైపు నుంచి వచ్చే వాహనాలను సుధా థియేటర్ లైన్‌లో పార్కింగ్ చేసుకోవాలి.
-మూసాబౌలి, మీర్ చౌక్ వైపు నుంచి వచ్చేవాహన దారులు తమ వాహనాలను చార్మినార్ బస్ టెర్మినల్ వద్ద నిలుపసుకోవాలి.
-అంబారీ ఊరేగింపు సందర్భంగా మదీనా క్రాస్ రోడ్స్, ఇంజన్ బౌలి, గుల్జార్ హౌస్, చార్మినార్, హిమ్మత్ పురా, నాగులుచింత రోడ్లపై ఎలాంటి వాహనాలను అమతించరు.
ఇవి కూడా చ‌ద‌వండి..
Harish Rao | రేవంత్ రెడ్డి ప్రజా పాలన ప్రతాపం చూసి.. కాళోజీ నా గొడవ ఎంత ఘోషించిందో : హ‌రీశ్‌రావు
Harish Rao | బీర్లు, లిక్క‌ర్ ధ‌ర‌లు భారీగా పెంచబోతున్నారు..! : హ‌రీశ్‌రావు
