ఆ ఆర్డర్ ఎలా వచ్చింది?
సాధారణ బదిలీలేవీ లేనప్పటికీ అంతర్గతంగా ఓ అధికారి బదిలీ ప్రస్తుతం శేరిలింగంపల్లి జోన్లో చర్చనీయాంశంగా మారింది. కొద్దిరోజుల క్రితమే సైబరాబాద్ మున్సిపల్ కార్పొరేషన్ పరిధిలోని శేరిలింగంపల్లి జోన్లో పట్టణ ప్రణాళికా విభాగంలో బదిలీల ప్రక్రియ ముగిసి అధికారులు తమ నూతన స్థానాలలో విధుల నిర్వహణలో నిమగ్నమయ్యారు.
- శేరిలింగంపల్లి జోన్లో చర్చనీయాంశంగా టీపీఎస్ బదిలీ వ్యవహారం
మియాపూర్, మే 5: సాధారణ బదిలీలేవీ లేనప్పటికీ అంతర్గతంగా ఓ అధికారి బదిలీ ప్రస్తుతం శేరిలింగంపల్లి జోన్లో చర్చనీయాంశంగా మారింది. కొద్దిరోజుల క్రితమే సైబరాబాద్ మున్సిపల్ కార్పొరేషన్ పరిధిలోని శేరిలింగంపల్లి జోన్లో పట్టణ ప్రణాళికా విభాగంలో బదిలీల ప్రక్రియ ముగిసి అధికారులు తమ నూతన స్థానాలలో విధుల నిర్వహణలో నిమగ్నమయ్యారు. ఈ నేపథ్యంలో శేరిలింగంపల్లి జోనల్ కమిషనర్ బదిలీ అయిన ఒకటి రెండు రోజులలో జోన్ పరిధిలోని ఓ సర్కిల్కు చెందిన పట్టణ ప్రణాళికా విభాగం అధికారికి గుట్టుచప్పుడు కాకుండా రాత్రికిరాత్రే బదిలీ ఆర్డర్ జారీ అయ్యింది. దీంతో ఏమాత్రం ఆలస్యం చేయకుండా ఆ అధికారి బదిలీ అయిన స్థానంలో విధులలో చేరాడు.
ఇదివరకే ఇక్కడ విధులు నిర్వర్తిస్తున్న అధికారిని తాను చేస్తున్న సర్కిల్కు పంపేందుకు రంగం సిద్ధం చేశారు. అయితే సదరు సర్కిల్ అధికారులు మాత్రం పట్టణ ప్రణాళికా విభాగం అధికారిని రిలీవ్ చేసేందుకు ససేమిరా అంటున్నారు. అతి త్వరలో జనగణన లెక్కల సేకరణ చేపట్టనుండటంతో అందుకు సంబంధించిన శిక్షణ సైతం పూర్తయిన నేపథ్యంలో.. కీలకమైన ఈ విధులను నిర్వర్తించాల్సిన సమయంలో ఆ బదిలీ ఆర్డర్ జారీకావటం ఏమిటని విస్మయం వ్యక్తం చేసారు. అయితే బదిలీ ఆర్డర్ పొందిన అధికారి బదిలీ స్థానంలోకి వెళ్లేందుకు చేసిన ప్రయత్నాలు ఏమాత్రం సఫలం కాకుండా పూర్వపు అధికారులు విసిరిన పాచికలు పారాయి. అధికార, రాజకీయ జోక్యంతో ఎట్టకేలకు సదరు అధికారి బదిలీ ఆర్డర్ను సైతం రద్దు చేయించారు. దీంతో బదిలీపై వెళ్లాలనుకున్న ఆ అధికారి తీవ్ర నిరాశకు గురై, తనకు అడ్డంపడ్డారంటూ ప్రస్తుతం పనిచేస్తున్న సర్కిల్ అధికారులపై రుసరుసలాడినట్లు విశ్వసనీయ సమాచారం.
ఆ నోటా ఈ నోటా ఈ ఆకస్మిక బదిలీ అంశం సీఎంసీ కమిషనర్ దృష్టికి వెళ్లింది. దీంతో సాధారణ బదిలీలేవి లేని ఈ సమయంలో ఆ ఒక్క అధికారికి బదిలీ ఆర్డర్ ఎలా జారీ అయ్యిందనే అంశంపై లోతైన విచారణకు ఆదేశించినట్లు తెలిసింది. దీనిపై నివేదికను అందించాలని జోనల్ పట్టణ ప్రణాళిక ఉన్నతాధికారికి బాధ్యతలు అప్పగించినట్లు సమాచారం. అయితే జోన్ పరిధిలోని ఒకరిద్దరు తీవ్ర స్థాయిలో శ్రమించి సదరు అధికారికి గుట్టుచప్పుడు కాకుండా బదిలీ ఆర్డర్ ఇప్పించినట్లు జోరుగా ప్రచారం సాగుతోంది. ఈ వ్యవహారంలో కొంతమొత్తంలో చేతులు మారినట్లు సమాచారం. ఈ నేపథ్యంలో రెండు రోజుల క్రితం షాట్ సర్క్యూట్ కారణంగా శేరిలింగంపల్లి జోనల్ కార్యాలయంలో అగ్ని ప్రమాదం చోటుచేసుకుని పలు కీలకమైన కంప్యూటర్లు సైతం కాలిపోగా.. బదిలీ ఆధారాలు బయటపడే అవకాశం లేదనే విశ్వాసంతో ఉన్నట్లు విశ్వసనీయ సమాచారం. ఇప్పటికే ఈ అంశంపై ఎస్టాబ్లిష్మెంట్ సెక్షన్కు చెందిన అధికారులను సీఎంసీ ఉన్నతాధికారులు తీవ్రస్థాయిలో మందలించినట్లు తెలుస్తున్నది.
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
KTR | ఢిల్లీకి సంచులు మోయడంలో, చక్కర్లు కొట్టడంలో రేవంత్కు పది కి పది మార్కులు : కేటీఆర్
ప్రియుడు పెళ్లికి నిరాకరించడంతో పురుగుల మందు తాగి యువతి ఆత్మహత్య
Drinking Water | చలికాలంలో రోజూ తగినంత నీళ్లను తాగాల్సిందే.. నీరు తగ్గితే ఈ సమస్యలు వస్తాయి..
‘మైనారిటీ విద్యార్థులకు ఉచిత నైపుణ్య శిక్షణ.. ఉపాధి అవకాశాలు’
‘వలసల నివారణే లక్ష్యం’
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

