హైదరాబాద్ : కొండాపూర్లో తృటిలో ప్రమాదం తప్పింది. నిర్మాణంలో ఉన్న ఫ్లై ఓవర్ మీద నుంచి ఓ ఇనుప కడ్డీ కారుపై పడిపోయింది. దీంతో కారు ముందు భాగం ధ్వంసం కాగా, ఏం జరిగిందో తెలియక వాహనదారుడు వణికిపోయాడు. గచ్చిబౌలి – కొండాపూర్ మధ్య నిర్మిస్తున్న ఫ్లై ఓవర్ వద్ద ఈ ప్రమాదం జరిగింది.
ఈ సందర్భంగా కారు యజమాని మాట్లాడుతూ.. ఎలాంటి జాగ్రత్తలు పాటించకుండా నిర్మాణ పనులు కొనసాగిస్తున్నారని కారు ఆగ్రహం వ్యక్తం చేశాడు. కాంట్రాక్టరే పరిహారం చెల్లించాలని, ఇలాంటి ఘటనలు పునరావృతం కాకుండా చర్యలు తీసుకోవాలని డిమాండ్ చేశాడు. ఈ ఘటనపై పోలీసులకు ఫిర్యాదు చేశానని యజమాని తెలిపాడు. ప్రమాదానికి గురైన కారు నంబర్ టీఎస్ 09 ఎఫ్కే 6961.