అంతా రామమయం..

శ్రీ సీతారాముల కల్యాణం వైభవంగా జరిగింది. రామ నామ జపంతో భక్తజనం భక్తి పారవశ్యంలో మునిగితేలారు. శ్రీరామనవమి వేడుకలు ఆదివారం వాడవాడలా కన్నుల పండువగా జరిగాయి

వైభంగా సీతారాముల కల్యాణం
పారవశ్యంలో మునిగితేలిన భక్తులు
చోట్ల అన్నదానాలు నిర్వహణ

సికింద్రాబాద్‌ జోన్‌ బృందం, ఏప్రిల్‌ 10 : శ్రీ సీతారాముల కల్యాణం వైభవంగా జరిగింది. రామ నామ జపంతో భక్తజనం భక్తి పారవశ్యంలో మునిగితేలారు. శ్రీరామనవమి వేడుకలు ఆదివారం వాడవాడలా కన్నుల పండువగా జరిగాయి. బోయిన్‌పల్లిలోని దత్తా అంజనేయస్వామి ఆలయ ప్రాంగణంలో జరిగిన సీతారాముల కల్యాణోత్సవంలో టీఆర్‌ఎస్‌ పార్టీ మల్కాజిగిరి పార్లమెంట్‌ నియోజకవర్గ ఇన్‌చార్జి మర్రి రాజశేఖర్‌రెడ్డి పాల్గొని పూజలు చేశారు. అదే విధంగా న్యూ బోయిన్‌పల్లి కంసారి బజార్‌తో పాటు చిన్నతోకట్ట ప్రాంతంలోని రామాలయంలో కంటోన్మెంట్‌ బోర్డు మాజీ ఉపాధ్యక్షుడు జక్కుల మహేశ్వర్‌రెడ్డి రాములవారి కల్యాణంలో పా ల్గొన్న అనంతరం ఆలయంలో పూజలు చేశారు. బాలంరాయిలో జరిగిన సీతారాముల కల్యాణోత్సంలో పాల్గొన్న శ్రీ గణేశ్‌ఫౌండేషన్‌ అధినేత శ్రీగణేశ్‌ పూజలు నిర్వహించారు. సికింద్రాబాద్‌లోని సీతాఫల్‌మండిలో ఆయా ప్రాంతాల్లో నిర్వహించిన శ్రీరామనవమి వేడుకల్లో స్థానిక కార్పొరేటర్‌ సామల హేమ పాల్గొన్నారు

• బౌద్ధనగర్‌ డివిజన్‌ పరిధిలోని పలు ప్రాంతాలలో రాముల వారి కల్యాణం అంగరంగ వైభవంగా జరిగింది. బౌద్ధనగర్‌ రామాలయంలో ఆలయ చైర్మన్‌ కండోజు భరద్వాజ్‌ ఆధ్వర్యంలో రాములవారి పెళ్లి ఘనంగా జరిగింది. భక్తులకు అన్నదాన కార్యక్రమాన్ని ఏర్పాటు చేశారు. మమ్మద్‌గూడ మాజీ కార్పోరేటర్‌ స్వరూపగౌడ్‌ కుటుంబసమేతంగా కల్యాణంలో పాల్గొన్నారు.
• మారేడ్‌పల్లిలోని సుబ్రహ్మణ్య స్వామి ఆలయంలో శ్రీ రామ నవమి వేడుకలు ఘనంగా జరిగాయి. ఆలయంలో జరిగిన సీతారాముల కల్యాణ మహోత్సవ వేడుకల్లో స్థానిక కార్పొరేటర్‌ కొంతం దీపిక, భక్తులు పెద్ద సం ఖ్యలో పాల్గొన్నారు. అనంతరం అన్నదాన కార్యక్రమం నిర్వహించారు. అదేవిధంగా మహేంద్రహిల్స్‌ రవికాలనీలోని ఆర్టీసీ మాజీ చైర్మన్‌ కొత్త సంజీవరెడ్డి ఆధ్వర్యంలో సీతారాముల కల్యాణం అంగరంగ వైభవంగా జరిగింది. రెజిమెంటల్‌బజార్‌లోని సంతోషిమాత ఆలయం, శివాజీనగర్‌లోని శ్రీ వేంకటేశ్వర పెరుమాళ్‌ ఆలయాల్లో శ్రీ రామ నవమి వేడుకలు జరిగాయి.
• అడ్డగుట్ట డివిజన్‌ పరిధిలో సీతారాముల కల్యాణమహోత్సవ వేడుకలు కన్నులపండువగా జరిగాయి. తుకారాంగేట్‌ శ్రీ పహాడి హనుమాన్‌ ఆలయ అభివృద్ధి, పరిరక్షణ కమిటీ ఆధ్వర్యంలో నిర్వహించిన కల్యాణ వేడుకల్లో డిప్యూటీ స్పీకర్‌ పద్మారావు తనయుడు రామేశ్వర్‌ గౌడ్‌, నగర గ్రంథాలయ డైరెక్టర్‌ లింగాని శ్రీనివాస్‌, భాజపా నాయకులు మేకల సారంగాపాణిలు పాల్గొన్నారు. ఈ కార్యక్రమంలో కమిటీ ప్రతినిధులు నక్కమధు, కాసుల సుదర్శన్‌ రెడ్డి, శ్రీ రాములు, వెంకటేశ్‌గౌడ్‌, సీహెచ్‌ కన్నాభిరాం, కృష్ణ, శివకుమార్‌, బాలరాజ్‌ గౌడ్‌ పాల్గొన్నారు.
• కంటోన్మెంట్‌ ఎనిమిదో వార్డు బొల్లారం రిసాల బజార్‌ కుటీయా దేవాలయంలో శ్రీరామనవమి వేడుకలు ఆదివారం అంగరంగ వైభవంగా జరిగాయి. భక్తులు అధిక సంఖ్యలో హాజరై సీతారాముల కల్యాణాన్ని వీక్షించారు. అనంతరం అన్నదానం కార్యక్రమంలో పాల్గొన్నారు.