Osmania University | బ్రేకింగ్.. ఓయూ, జేఎన్‌టీయూ పరిధిలోని పరీక్షలు వాయిదా..!

Osmania University : విద్యార్థి సంఘాలు బంద్‌కు పిలుపునివ్వడంతో ఉస్మానియా యూనివర్సిటీ (OU) కీలక నిర్ణయం తీసుకుంది. శుక్రవారం ఓయూ, అనుబంధ కాలేజీల్లో జరగాల్సిన సెమిస్టర్ పరీక్షలను వాయిదా వేసింది.

Osmania University : ఢిల్లీలో ‘ఛలో పార్లమెంట్’ సందర్భంగా విద్యార్థులపై లాఠీఛార్జికి నిరసనగా వామపక్ష విద్యార్థి సంఘాలు రాష్ట్ర వ్యాప్తంగా బంద్‌కు పిలుపునివ్వడంతో ఉస్మానియా యూనివర్సిటీ (OsmaniaUniversity) కీలక నిర్ణయం తీసుకుంది. జూలై 24, శుక్రవారం ఓయూ, అనుబంధ కాలేజీల్లో జరగాల్సిన సెమిస్టర్ పరీక్షలను వాయిదా వేసింది. పరీక్షల వాయిదాకు సంబంధించిన సమాచారాన్ని అనుబంధ కళాశాలలకు చేరవేసింది.

విద్యార్థి సంఘాల  రాష్ట్ర వ్యాప్త బంద్ నేపథ్యంలో  శుక్రవారం నాటి ఎగ్జామ్స్ గురించి విద్యార్థులు ఆందోళన చెందవద్దని.. వాయిదా పడిన పరీక్షలకు కొత్త తేదీని త్వరలోనే ప్రకటిస్తామని ఓయూ అధికారులు వెల్లడించారు.

Notification Regarding Postponement of all Examinations under Osmania University scheduled on 24th July 2026 @ https://t.co/rCTY7eNjjS pic.twitter.com/LXUT7KUZHh

— Osmania University Updates (@OU_Updates) July 23, 2026

జేఎన్‌టీయూ (JNTU)లో సైతం శుక్రవారం జరగాల్సిన పరీక్షలు  వాయిదా పడ్డాయి. ఈ విషయాన్ని గురువారం జేఎన్‌టీయూ యాజమ్యాన్యం వెల్లడించింది. అలానే తెలంగాణ యూనివర్సిటీ (TU), మహాత్మ గాంధీ యూనివర్సిటీ లోనూ పరీక్షలను వాయిదా వేశారు. శుక్రవారం జరగాల్సిన పరీక్షలకు త్వరలోనే కొత్త తేదీలు ప్రకటిస్తామని అనుబంధ కాలేజీలకు టీయూ అధికారులు సమాచారమిచ్చారు.

రేపటి రాష్ట్ర బంద్‌ SFI-AISF-NSUI-PDSU-AIFDS-AIPSU-AISB ల ఆధ్వర్యంలో జరగనుంది. బంద్‌లో భాగంగా శుక్రవారం ఉదయం 11:00 గంటల నుండి నారాయణ గూడ చౌరస్తా నుండి వై జంక్షన్ వరకు ” విద్యార్ధి ర్యాలీ ” నిర్వహించనున్నారు.