ప్రగతిబాటలో నాగారం మున్సిపాలిటీ

- రూ.3కోట్లతో వైకుంఠధామాలు అభివృద్ధి
- ఆధునిక హంగులతో నిర్మాణ పనులు
- త్వరలో పనులు పూర్తి..
- హర్షం వ్యక్తం చేస్తున్న పట్టణ ప్రజలు
మేడ్చల్ కలెక్టరేట్, జనవరి 17 : నాగారం మున్సిపాలిటీలోని నాలుగు వైకుంఠధామాలను రూ.3 కోట్లతో అభివృద్ధి చేస్తున్నారు. నూతన హంగులతో ఆఖరి మజిలీకి అన్ని సౌకర్యాలు కల్పిస్తుండటంతో మున్సిపాలిటీ ప్రజలు హర్షం వ్యక్తం చేస్తున్నారు. ఉమ్మడిపాలనలో వైకుంఠధామాలను పట్టించుకోలేదు. కేసీఆర్ హయాంలో నేడు వైకుంఠధామాల్లో ఆధునిక వసతుల కల్పనకు ప్రత్యేక నిధులు మంజూరు చేస్తున్నారు. తెలంగాణ ప్రభుత్వం ప్రతి మున్సిపాలిటీ పరిధిలో వైకుంఠధామాలను నిర్మిస్తున్నది. గతంలో ఎవరైన చనిపోతే దహన సంస్కారాలు చేసిన చోట నీటి సదుపాయం, స్నానపు గదులు, మరుగు దొడ్లు లేక అంత్యక్రియలకు వచ్చిన వారు ఇబ్బందులు పడేవారు. కానీ తెలంగాణ ప్రభుత్వం వచ్చిన తరువాత ఆఖరి మజిలీ గౌరవప్రదంగా సాగాలనే ఉద్దేశంతో సీఎం కేసీఆర్ వైకుంఠధామాలను ఆధునిక హంగులతో నిర్మించడానికి శ్రీకారం చుట్టారు.
మున్సిపల్ పరిధిలో..
నాగారం మున్సిపాలిటీ పరిధిలో రూ.కోటితో సామూహిక వైకుంఠధామం పనులు 80 శాతం పూర్తి చేశారు. రాంపల్లిలో రూ.కోటితో సామూహిక వైకుంఠధామం పనులు 40 శాతం, ఎస్సీ వైకుంఠధామం రూ. 50 లక్షలతో 20 శాతం, ఎస్సీ మాల రూ. 50 లక్షలతో నిర్మిస్తున్న వైకుంఠధామం 30 శాతం పనులు పూర్తయ్యాయి. మిగితా పనులు వేగంగా చేస్తున్నారు. త్వరలో ఆధునిక హంగులతో నిర్మించిన వైకుంఠధామాలను ప్రారంభించనున్నారు.
ఉమ్మడి పాలనలో ఇబ్బందులు
ఉమ్మడి పాలనలో వైకుంఠధామాలను ఎవరూ పట్టించుకోలేదు. నిధులు సైతం మంజూరు చేయకపోవడంతో ఎక్కడి సమస్యలు అక్కడే ఉండేవి. రాష్ట్రం ఏర్పడిన తరువాత సీఎం కేసీఆర్ వైకుంఠధామాలకు పెద్ద ఎత్తున నిధులు మంజూరు చేశారు.మున్సిపాలిటీలో వైకుంఠధామాలను ఆధునిక హంగులతో తీర్చిదిద్దుతున్నాం.
- కౌకుట్ల చంద్రారెడ్డి, చైర్మన్, నాగారం
త్వరలో పనులు పూర్తి ..
మున్సిపాలిటీలో సామూహిక వైకుంఠధామాల అభివృద్ధి పనులు త్వరలో పూర్తి చేస్తాం. ప్రహరీ నిర్మాణం, పురుషులు, స్త్రీలకు విడివిడిగా మరుగుదొడ్లు, స్నానపు గదులు, దహనవాటికలు, లైటింగ్, బోర్ మోటర్ ఏర్పాటుతో పాటు మొక్కలు నాటడం, గార్డెనింగ్ తదితర పనులు చేపడుతున్నాం.
- ఎ.వాణిరెడ్డి, నాగారం మున్సిపల్ కమిషనర్
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
Ind vs Nz | వెల్లింగ్టన్ టెస్టులో భారత్ పరుగుల విధ్వంసం.. 9 వికెట్లు సాధిస్తే టీమిండియాదే గెలుపు
Ajay Devgn | ఓటీటీలోకి అజయ్ దేవగన్ ‘దృశ్యం: ది కన్క్లూజన్’.. స్ట్రీమింగ్ తేదీ అధికారిక ప్రకటన!
మంచిర్యాలను కమ్మేసిన పొగమంచు.. తెల్లవారుజామున కనువిందు చేసిన ప్రకృతి అందాలు!
Parliament Session | కొనసాగింపా..శీతాకాలమా.. 100 రోజులు పూర్తయినా ప్రొరోగ్ కాని ఉభయ సభలు?
Delimitation Bill | ఒక్కో ఎంపీకి రూ.150 కోట్ల ఆఫర్.. డీలిమిటేషన్ బిల్లు ఆమోదానికి ప్రలోభాలు: సంజయ్ రౌత్
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

