సమస్యలను వెనువెంటనే పరిష్కరించాలి

ప్రజా సమస్యలపై వచ్చిన ఫిర్యాదులను వెనువెంటనే పరిష్కరించేలా సత్వర చర్యలు తీసుకోవాలని ఆయా శాఖల అధికారులను ఎమ్మెల్యే కేపీ వివేకానంద్‌ ఆదేశించారు.

• ఎమ్మెల్యే కేపీ వివేకానంద్‌

కుత్బుల్లాపూర్‌, డిసెంబర్‌ 10 : ప్రజా సమస్యలపై వచ్చిన ఫిర్యాదులను వెనువెంటనే పరిష్కరించేలా సత్వర చర్యలు తీసుకోవాలని ఆయా శాఖల అధికారులను ఎమ్మెల్యే కేపీ వివేకానంద్‌ ఆదేశించారు. శనివారం నియోజకవర్గానికి చెందిన పలు స్వచ్ఛంద సంఘాలు, సంక్షేమ సంఘాల ప్రతినిధులు, పార్టీ శ్రేణులు పేట్‌ బషీరాబాద్‌లోని ఎమ్మెల్యే క్యాంపు కార్యాలయంలో ఆయనను కలిసి తమ సమస్యలను పరిష్కరించాలని కోరారు. స్పందించి న ఆయన వెంటనే.. సంబంధిత అధికారులతో ఫోన్‌లో మాట్లాడి.. సమస్యలను సత్వరమే పరిష్కరించాలన్నారు.

• డివిజన్‌, బ్యాంకు కాలనీలో రూ.24 లక్షల వ్యయంతో వర్షం నీటికాలువ, రూ.25 లక్షల వ్యయంతో సీసీరోడ్లను పూర్తి చేసిన సందర్భంగా కాలనీవాసులు ఎమ్మెల్యేను కలిసి కృతజ్ఞతలు తెలిపారు. ఈ కార్యక్రమం లో కాలనీ అధ్యక్షుడు సుధాకర్‌గౌడ్‌, వెంకట్‌రెడ్డి, రమేశ్‌, మల్లేశ్‌, సర్వేశ్వరరావు, వెంకటేశ్వరరావు పాల్గొన్నారు.
• రోనిజాంపేట్‌ మున్సిపల్‌ కార్పొరేషన్‌ పరిధి, ప్రగతినగర్‌ అంబీర్‌చెరువులో గుర్రపు డెక్కను తొలగించి, చెరువును సుందరీకరణగా తీర్చిదిద్దాలని కార్పొరేటర్లు ఎమ్మెల్యేను కలిసి వినతిపత్రాన్ని అందజేశారు. ఈ కార్యక్రమంలో కార్పొరేటర్లు శ్రీరాములు, వెంకటరామయ్య, మార్త వాణిప్రసాద్‌, పైడి మాధవి, సుజాత, తదితరులు పాల్గొన్నారు.
• నియోజకవర్గానికి చెందిన పలు కాలనీలు, బస్తీ సంక్షేమ సంఘాల సభ్యులు ఎమ్మెల్యేను కలిసి వివిధ శుభకార్యాలకు రావాలని కోరుతూ ఆహ్వానపత్రాలను అందజేశారు.